ރައީސް މުއިއްޒު ތާއީދު ކުރައްވާ ކެނޑިޑޭޓްގެ ފަހަތަށް އެންމެ އެރުމަށް އެކަނިކުފާ ޕީޕީއެމް/ޕީއެންސީގެ ސަޕޯޓަރުންގެ ކިބައި އެދިވަޑައިގެންފިއެވެ.
ރައީސް މުއިއްޒު މިކަމަށް އިލްތިމާސް ކުރެއްވީ ރޭ މާލޭގައި، ގަމު ދާއިރާއަށް ޕްރޮގްރެސިވް ކޮންގްރެސް ކޯލިޝަންގެ ޓިކެޓުގައި ވާދަކުރައްވާ ޔޫސުފް ނަޝީދުގެ ކެމްޕޭނު ބައްދަލުވުމުގައި ވާހަކަ ދައްކަވަމުންނެވެ.
މި ބައްދަލުވުމުގައި ވާހަކަ ދައްކަވަމުން ރައީސް މުއިއްޒު ވިދާޅުވީ، އަމިއްލަ މަސްލަހަތު އެއްކައިރިކޮށްފައި، އެމަނިކުފާނު ތާއިދުކުރާ، އަދި ސަރުކާރުން އެދޭ ކެންޑިޑެޓުން ހޮއްވަވައި ދެއްވުމުގައި ޕީޕީއެމް ޕީއެންސީގެ މެމްބަރުންގެ ކިބައިންވެސް އެދިވަޑައިގަންނަވާކަަމަށް ވިދާޅުވެފައެވެ.
އަމިއްލަ މަސްލަހަތު އެއްކައިރިކޮށްފައި، އަޅުގަނޑު ތާއިދުކުރާ، އަޅުގަނޑުމެން ތާއިދުކުރާ ސަރުކާރުން އެދޭ ކެންޑިޑެޓުން ހޮއްވަވައި ދެއްވުމުގައި ޕީޕީއެމް ޕީއެންސީގެ މެމްބަރުންގެ ކިބައިންވެސް އަޅުގަނޑުމެން އެދެނީ.
ރައީސް މުއިއްޒު ވިދާޅުވީ ބައެއް ދާއިރާތަކަކީ ވަރަށް ފަސޭހައިން ކާމިޔާބުކުރެވޭނެ ދާއިރާތަކަށްވެފައި, ވަކިން ނިކުތީމަ ޔަގީންވެފައިވާ ބައެއް ގޮނޑިތައްވެސް ގެއްލޭ ގޮތް ދިމާވާ ކަމަށެވެ.
ޕީއެންސީން ބައެއް ދާއިރާތަކަށް ކެނޑިޑޭޓުންތައް ނެރުނު ނަމަވެސް، ރައީސް މުއިއްޒު ތާއީދު ކުރައްވަނީ އެ ކެނޑިޑޭޓުންނަށް ނޫންކަމަށް ވަނީ ވިދާޅުވެފައެވެ.
އޭގެ ތެރޭގައި ތ. ތިމަރަފުށީ ދާއިރާ، ވިލިނގިލި ދާއިރާ، މައްޗަންގޮޅި މެދު ދާއިރާ އަދި ކުޅުދުއްފުށި ދެކުނު ދާއިރާ މަތިވެރި ދާއިރާގެ އިތުރުން ކުރެންދޫ ދާއިރާ އަަށް ސަރުކާރުގެ ތާއިދު އޮތީ އަމިއްލަ ގޮތުން ވާދަކުރާ ކެންޑިޑޭޓުންނަށެވެ.
