ހައިވޭގައި ޓްރެފިކް ބަލަހައްޓަން ހުރި ފުލުހެއްގެ ގައިގައި ކޮންޓްރޯލުން ނެއްޓިގެންގޮސް ޖެހުނު ކާރުގެ ޑްރައިވަރު ހައްޔަރު ކޮށްފިއެވެ.
ފުލުހުން ވިދާޅުވެފައިވަނީ, ޓެކްސީ ދުއްވަން އިން މީހާ ހައްޔަރުކޮށް މައްސަލައިގެ ތަހުގީގު މިހާރު ފަށާފައިވާ ކަމަށެވެ.
ހުޅުމާލެ ބުރިޖް ހައިވޭގައި ޓްރެފިކް ބަލަހައްޓަން ހުރި ފުލުހެއްގެ ގައިގައި ކޮންޓްރޯލުން ނެއްޓިގެން އައި ކާރަކުން ޖެހުނު ހާދިސާ ހިނގާފައިވަނީ މިއަދު ހަވީރު 5:30 ހާއިރު، ބްރިޖުން ހުޅުމާލެ އަދި ހުޅުލެ ގުޅުވާލާ ހަތަރު އޮނގޮޅި ކަންމަތީގައެވެ. އެވަގުތަކީ ރޯދަމަހު އެންމެ ޓްރެފިކް ބާރުބޮޑު ވަގުތަށް ވުމާއެކު، ކޮންމެ ދުވަހަކުވެސް އެ ހަތަރު އޮނގޮޅީގައި ޓްރެފިލް ބަލަހައްޓަމުން ދަނީ ފުލުހުންނެވެ. އެގޮތުން އެ ހަތަރު އަނގޮޅީގައި ޓްރެފިކް ބަހައްޓަން ހުރި ފުލުހެއްގެ ގައިގައި ޖެހުނު ކާރު ދުއްވަމުން އައިސްފައިވަނީ ހުޅުލެއާއި ވީ ފަރާތުންނެވެ.
ފުލުސްމީހާ ގައިގައި ކާރުން ޖެހުމާއެކު، ފުލުސްމީހާ ވިއްސައިގެން ގޮސްފައި ވެއެވެ.
އެހާދިސާ ހިނގުމަށްފަހު ފުސްމީހާއަށް ބާމޮޑު އަނިޔާއެއް ވެފައެއް ނުވެއެވެ. އެހެންނަމަވެސް އޭނާގެ އަތުގެ ތަންތަން މަށައިގެން ގޮސްފައި ވެއެވެ. އެހާދިސާއާއި ގުޅިގެން ކާރު ދުއްވަން އިން ޑްރައިވަރު ފުލުހުން މިހާރު ވަނީ ހައްޔަރުކޮށް ފުލުހުން ދަނީ ހާދިސާގެ ތަހުގީގު ކުރިޔަށް ގެންދަމުންކަމަށް ފުލުހުން ވަނީ ބުނެފައެވެ.
މިހާދިސާގެ އިތުރު ތަފްސީލެއް ފުލުހުން ހާމަކޮށްފައެއް ނުވެއެވެ.
ކޮމެންޓު ފޮނުވާ