ހުޅުމާލެ ބުރިޖް ހައިވޭގައި ޓްރެފިކް ބަލަހައްޓަން ހުރި ފުލުހެއްގެ ގައިގައި ކޮންޓްރޯލުން ނެއްޓިގެން އައި ކާރަކުން ޖެހިއްޖެއެވެ.
މި ހާދިސާ ހިނގާފައިވަނީ މިއަދި 5:30 ހާއިރު، ބްރިޖުން ހުޅުމާލެ އަދި ހުޅުލެ ގުޅުވާލާ ހަތަރު އޮނގޮޅި ކަންމަތީގައެވެ. އެވަގުތަކީ ރޯދަމަހު އެންމެ ޓްރެފިކް ބާރުބޮޑު ވަގުތަށް ވުމާއެކު، ކޮންމެ ދުވަހަކުވެސް އެ ހަތަރު އޮނގޮޅީގައި ޓްރެފިލް ބަލަހައްޓަމުން ދަނީ ފުލުހުންނެވެ. އެގޮތުން އެ ހަތަރު އަނގޮޅީގައި ޓްރެފިކް ބަހައްޓަން ހުރި ފުލުހެއްގެ ގައިގައި ޖެހުނު ކާރު ދުއްވަމުން އައިސްފައިވަނީ ހުޅުލެއާއި ވީ ފަރާތުންނެވެ.
އަދި ފުލުސްމީހާ ގައިގައި ކާރުން ޖެހުމާއެކު، ފުލުސްމީހާ ވިއްސައިގެން ގޮސްފައި ވެއެވެ.
އެހާދިސާ ހިނގުމަށްފަހު ފުސްމީހާއަށް ބާމޮޑު އަނިޔާއެއް ވެފައެއް ނުވެއެވެ. އެހެންނަމަވެސް އޭނާގެ އަތުގެ ތަންތަން މަށައިގެން ގޮސްފައި ވެއެވެ. އެހާދިސާއާއި ގުޅިގެން ކާރު ދުއްވަން އިން ޑްރައިވަރު ފުލުހުން މިހާރު ވަނީ ހައްޔަރު ކޮށްފައެވެ. އަދި އެ ހާދިސާގެ ތަހުގީގު ކުރިޔަށް ގެންދާކަމަށް ފުލުހުން ވަނީ ބުނެފައެވެ.
މިހާދިސާގެ އިތުރު ތަފްސީލެއް ފުލުހުން ހާމަކޮށްފައެއް ނުވެއެވެ.
ކޮމެންޓު ފޮނުވާ