އެއަރޕޯޓު އަލަން ސަރުކާރުން ހަމަޖައްސާފައިވާ ރަށްތަކުގެ ލިސްޓުގައި ދާންދޫ ދާއިރާ ހިމަނާދިނުމަށް އެދާއިރާގެ މެމްބަރު ޔައުގޫބު އެދިއްޖެއެވެ.
ޔައުގޫބު ސޮއިކުރައްވާ ރައީސް މުއިއްޒުއަށް ފޮނުވި ސޮޓީގައި ވިދާޅުވެފައިވަނީ ދާންދޫ ދާއިރާއަކީ ދަތުރުފަތުރު ކުރުމުގައި ޒަމާނުއްސުރެ އެންމެ ގޮންޖެހުން ބޮޑު އެއް އަތޮޅު ކަމަށްވާ ހުވަދު އަތޮޅަށް ނިސްބަތްވާ ދާއިރާއެއް ކަމަށެވެ.
އޭނާ ވިދާޅިވީ ގއ. އަތޮޅުގެ ގިނަ ރައްޔިތުން ދަތުރު ކުރަމުންދަނީ ގއ. ކޫއްޑޫ މެދިވެރިކޮށް ކަމުގައެވެ. އެހެންކަމުން ފާއިތުވި ސަރުކާރުތަކުގައި މީހުން ދިރިއުޅޭ ރަށްރަށުން އެއާޕޯޓްތަކަށް ދަތުރުކުރުމުގައި ގެންގުޅުނު ވިއްސަކަށް މިނެޓްގެ ސިޔާސަތުން ދާންދޫ ދާއިރާގެ ރައްޔިތުން މަހުރޫމުވެދާނެކަން މިހާރު ޔަގީންވެފައިވާ ކަމަށް ޔައުގޫބު ވިދާޅުވިއެވެ.
އޭނާ ވިދާޅުވީ ގއ. ވިލިނގިލީގައި އެއާޕޯޓެއް ތަރައްގީކުރުމުގެ މަސައްކަތް ފެށުމަށް ވާންޖެހޭ ތައްޔާރީތައް ވުމަށް މިއަހަރު ފެބްރުއަރީމަހު އެއްބަސްވުންތަކުގައި ސޮއިކޮށްފައިވާކަމަށާއި، އޭގެ ނަތީޖާއެއްގެ ގޮތުން އޭގެފަހުން ކޫއްޑޫ އެއާޕޯޓްގެ އޮޕަރޭޝަންތައް ހުއްޓި، އެ ދާއިރާގެ ރަށްތަކަށް ރައްޔިތުން އެއަރޕޯޓަށް ކުރަންޖެހޭ ދަތުރުތަކުގެ ވަގު ދިގުލައިގެން ގޮސްފައިވާ ކަމުގައެވެ.
Dhaandhoo dhaairaage gina rayyithunge faraathun @MMuizzu ah🙏🙏🙏 pic.twitter.com/wIFvIgG549
— Yaugoob Abdulla (@Yaugoob181) March 30, 2024
ޓޫރިޒަމާބެހޭ ޤާނޫނުގެ ދަށުން ދައުލަތުގެ އާންމު މަންފާއަކަށްޓަކައި ހާސިލުކުރަން ބޭނުންވާ އިޤްތިސާދީ ސިޔާސަތެއްގެ ދަށުން ނުވަތަ އިޖުތިމާއީ ސިޔާސަތެއްގެ ދަށުން ހިންގުމަށް ސަރުކާރުން ކަނޑައަޅާ މުހިންމު މަޝްރޫއުތަކާއި، އެ މަޝްރޫއު ހަވާލުކުރެވޭ ފަރާތުން އެންމެ މަދުވެގެން ކުރަންޖެހޭ އިންވެސްޓްމަންޓުގެ އަދަދު ރައީސްގެ ޤަރާރަކުން ކަނޑައަޅަންޖެހެއެވެ.
މި ޤަރާރުގައި ވަނީ އަލަށް އެއާޕޯޓް އަޅާނެ ރަށްތައްވެސް ކަނޑައަޅާފައެވެ. އެގޮތުން 9 ސަރަހައްދެއްގައި އެއާޕޯޓް ތަރައްގީ ކުރުމަށް ހިމަނާފައިވާއިރު އެއާޕޯޓްގެ މަސައްކަތް ނުނިމި ހުރި ބައެއް ރަށްތަކުގެ މަޝްރޫއުތައްވެސް މި ޤަރާރުގައި ހިމަނާފައިވެއެވެ.
ޔައުގޫބުގެ ސިޓީގައި ވިދާޅުވެފައިވަނީ، ޓޫރިޒަމާބެހޭ ޤާނޫނުގެ ދަށުން ދައުލަތުގެ އާންމު މަންފާއަކަށްޓަކައި ހާސިލުކުރަން ބޭނުންވާ އިޤްތިސާދީ ސިޔާސަތެއްގެ ދަށުން ނުވަތަ އިޖުތިމާއީ ސިޔާސަތެއްގެ ދަށުން ހިންގުމަށް ސަރުކާރުން ކަނޑައަޅާ މުހިންމު މަޝްރޫއުތަކާއި، އެ މަޝްރޫއު ހަވާލުކުރެވޭ ފަރާތުން އެންމެ މަދުވެގެން ކުރަންޖެހޭ އިންވެސްޓްމަންޓުގެ އަދަދު ރައީސްގެ ޤަރާރަކުން ކަނޑައަޅަންޖެހޭ ކަމުގައެވެ.
ރައީސް ނެރުއްވި ޤަރާރުގައި ވަނީ އަލަށް އެއާޕޯޓް އަޅާނެ ރަށްތައް ކަނޑައަޅާފައެވެ. އެ ގަރާރުގައި ވަނީ، 9 ސަރަހައްދެއްގައި އެއާޕޯޓް ތަރައްގީ ކުރުމަށް ހިމަނާފައެވެ. އަދި އެއާޕޯޓްގެ މަސައްކަތް ނުނިމި ހުރި ބައެއް ރަށްތަކުގެ މަޝްރޫއުތައްވެސް މި ޤަރާރުގައި ހިމަނާފައިވެއެވެ.
