މާލޭގެ ދަރުމަވަންތަ މިސްކިތުގެ ފެން މޯޓަރު އިއްޔެ ރޭގެ ވަގުތެއްގައި ވަގަށްނެގި މައްސަލަ ތަހުގީގު ކުރަމުންދާ ކަމުގައި ފުލުހުން ބުނެފިއެވެސ
ފުލުހުން ބުނެފައިވަނީ، ކުށްހިނގިތަނަށް ހާޒިރުވެ ކުށުގެ ވެށިން ތަޙުޤީގަށްބޭނުންވާ މަޢުލޫމާތު އެއްކޮށްފައިވާ ކަމުގައެވެ.
ދަރުމަވަންތަ މިސްކިތުގެ ފެން މޯޓަރު ވަގަށް ނަގާފައިވަނީ އިއްޔެ ރޭގެ ވަގުތެއްގައެވެ. އެމައްސަލަ ފޮލިހަށް ހުށަހެޅީ މާލޭ ސިޓީ ކައުންސިލުންނެވެ.
ދަރުމަވަންތަ މިސްކިތުގެ ފެން މޯޓަރު ވަގަށް ނަގާފައިވާއިރު، ޖެހިޖެހިގެން 3 ރޭ މަތިން ތަގުވާ މިސްކިތުން ވަނި ވައްކަން ކޮށްފައެވެ.
މާލޭ ސިޓީ ކައުންސިލުން ކުރި އެކްސް ޕޯސްޓެއްގައި ބުނެގައިވަނީ ތިން ރޭ މަތިން ތަޤުވާ މިސްކިތުން ވަނީ 7 ފަންކާ ވަގަށް ނަގާފައި ވާކަމުގައެވެ.
އަދި މާލޭ ސިޓީ ކައުންސިލުން ވަނީ ވައްކަން ކުރި ވޯޑީއޯތައްވެސް އާންމު ކޮށްފައެވެ. ވީޑިއޯ ފޫޓެޖުން ފެންނަ ގޮތުގައި، މިސްކިތުގައި ހުރި ސްޓޭންޑިން ފަންކާ ގެންގޮސްފައިވަނީ ޒުވާން ފިރިހެން ކުއްޖެކެވެ.
ސިޓީ ކައުންސިލުން ބުނެފައިވަނީ މި ވީޑިއޯ ފުޓޭޖް މިހާރު ވަނީ ފުލުހުންނާއި ހިއްސާ ކުރެވިފައި ކަމުގައެވެ.
މިކަމާއި ގުޅޭގޮތުން ފުލުހުން އަދި އެއްވެސް މައުލޫމާތެއް ހާމަކޮށްފައެއް ނުވެއެވެ.
