ޖެހިޖެހިގެން 3 ރޭ މަތިން ތަގުވާ މިސްކިތުން ވައްކަން ކޮށްފިއެވެ.
މާލޭ ސިޓީ ކައުންސިލުން ކުރި އެކްސް ޕޯސްޓެއްގައި ބުނެގައިވަނީ ތިން ރޭ މަތިން ތަޤުވާ މިސްކިތުން ވަނީ 7 ފަންކާ ވަގަށް ނަގާފައި ވާކަމުގައެވެ.
އަދި މާލޭ ސިޓީ ކައުންސިލުން ވަނީ ވައްކަން ކުރި ވޯޑީއޯތައްވެސް އާންމު ކޮށްފައެވެ. ވީޑިއޯ ފޫޓެޖުން ފެންނަ ގޮތުގައި، މިސްކިތުގައި ހުރި ސްޓޭންޑިން ފަންކާ ގެންގޮސްފައިވަނީ ޒުވާން ފިރިހެން ކުއްޖެކެވެ.
ސިޓީ ކައުންސިލުން ބުނެފައިވަނީ މި ވީޑިއޯ ފުޓޭޖް މިހާރު ވަނީ ފުލުހުންނާއި ހިއްސާ ކުރެވިފައި ކަމުގައެވެ.
މިކަމާއި ގުޅޭގޮތުން ފުލުހުން އަދި އެއްވެސް މައުލޫމާތެއް ހާމަކޮށްފައެއް ނުވެއެވެ.
