ސަރުކާރު އެކުލަވާލުމަށް، އެކުލަވާލި ޓީމްގެ ފުރިހަމަ އިތުބާރު އެބައޮތް ކަމަށާއި، ކުރިންވެސް ވިދާޅުވިގޮތަށް 700 މަގާމަށްވުރެ ސިޔާސީ މަގާމްތައް އިތުރު ނުކުރައްވާނެކަމުގައި ރައީސް މުއިއްޒު ވިދާޅުވެއްޖެއެވެ.
ރޭ ޕީއެސްއެމްއަށް ދެއްވި ބަސްދީގަތުމެއްގައި ރައީސް މުއިއްޒު ވިދާޅުވީ ސަރުކާރުގެ އޮތް ޓީމު، މިނިސްޓަރުންނާއި އެމްޑީންނާއި މަޖިލިސް މެމްބަރުން ހިމެނޭގޮތަށް މުޅީ ޓީމަށް ފުރިހަ އިތުބާރު އެބައޮތް ކަމުގައެވެ.
އަދި ސިޔާސީ މަގާމްތައް 700 މަގާމަށްވުރެ އިތުރު ނުކުރާނެކަމަށް ވީ ވައުދު ދަމަހައްޓަވާނެކަމަށް ރައީސް ވިދާޅިވިއެވެ.
ސިޔާސީ ބޭފުޅުންގެ މަގާމު.. އަދަދު އިތުރު ނުކުރަން އަޅުގަޑުމެން ކަނޑައެޅި ލިމިޓަށްވުރެ އިތުރެއް ނުކުރާނަން. 700 މަގާމަށްވުރެ އިތުރެއް ނުކުރާނަން. އިރާދަކުރެއްވިއްޔާ އެގޮތުގަ ކުރިޔަށް ދާނީ.
ރައީސް މުއިއްޒު ވިދާޅުވިއެވެ.
ރޭގެ އިންޓަރވިއުގައި ރައީސް ވިދާޅުވީ ސިޔާސީ ވިސްނުމުގަ ކިތަންމެ ވަރަކަށް ފާޑުކީ ނަމަވެސް އެންމެ ރަގަޅުކަމަށާއި، އެބޭފުޅަކަށް ކުރިމަތިކުރާނެ ދަތިކަމެއް ނޯންނާނެ ކަމަށެވެ.
ރައީސް މުއިއްޒު ވިދާޅުވީ އެހެންވީމަ ބޭނުންވަނީ ގައުމުގަ ހަމަޖެހުން ގާއިމްވާން ކަމަށާއި، ސިޔާސީ ބޭފުޅުންވެސް އެހެން ބޭފުޅުންވެސް ހަމަޖެހިގެން އުޅެން ކަމަށެވެ.
އަދި ގައުމަށް ހަމަޖެހުން އަންނަންޖެހޭ ކަމަށް ވިދާޅުވެ، ސިޔާސީ ވިސްނުމުގެ މީހުން ހިފާ ހައްޔަރުކޮށްގެން ގައުމަށް ހަމަޖެހުމެއް ނާންނާނެ ކަމުގައި ރައީސް ވިދާޅުވިއެވެ. އެގޮތުން ސިޔާސީ ވިސްނުމުގަ މީހުން ހިފާ ހައްޔަރުކުރުން ނިމުމަކަށް އަންނަންޖެހޭކަމަށް ފާއިތުވި ރިޔާސީ ކެމްޕޭންގަވެސް ވައުދުވެވަޑައިގެންނެވިކަން ފާހަގަ ކުރައްވަމުން ރައީސް މުއިއްޒު ވިދާޅުވީ ރައްޔިތުންނަށް ލުއިފަސޭހަވާނެ ގޮތަށް ކަންކަން ކޮށްދީ އިންސާފު ގާއިމް ކޮށްދޭން ވާނެ ކަމުގައެވެ.
