އަންނަ މަހު ބާއްވާ އިންޑިއާގެ ގާނޫނު ހަދާ މަޖިލީހުގެ ތިރިގޭގެ އިންތިހާބުގައި ވާދަކުރަން ނިންމާފައިވާ ކަމަށް ބޮލީވުޑްގެ ތަރި ކަންގަނާ ރަނާވަތު އިއްޔެ އިއުލާންކޮށްފި އެވެ.
ވެރިކަން ކުރާ ބީޖޭޕީގެ ޓިކެޓްގައި އޭނަ ވާދަކުރަން ނިންމާފައި ވަނީ އުފަން ސްޓޭޓް، ހިމާޗަލް ޕްރަދޭޝްގެ މަންޑީ ދާއިރާގެ ގޮނޑިއަކަށެވެ. އެ އެ ދާއިރާގެ ބީޖޭޕީ ޓިކެޓް ކަންގަނާ އަށް ދޭން އިއްޔެ އެ ޕާޓީގެ އެންމެ އިސް ފަރާތްތަކުން ނިންމުމާ ގުޅިގެން ހުނަރުވެރި ބަތަލާ ވަނީ ޕާޓީ އަށް ވަރަށް ބޮޑަށް ޝުކުރު ވެސް އަދާކޮށްފަ އެވެ.
My beloved Bharat and Bhartiya Janta’s own party, Bharatiya Janta party ( BJP) has always had my unconditional support, today the national leadership of BJP has announced me as their Loksabha candidate from my birth place Himachal Pradesh, Mandi (constituency) I abide by the high…
— Kangana Ranaut (@KanganaTeam) March 24, 2024
ކަންގަނާ އެކްސްގައި ކުރި ޕޯސްޓެއްގައި ބުނީ ބީޖޭޕީގެ ފަރާތުން އޭނާއަށް އަބަދުވެސް އެއްބާރުލުން ލިބޭ ކަމަށެވެ. އަދި އަންނަ މަހު ބާއްވާ އިންތިހާބުގައި ވާދަކުރުމުގެ ފުރުސަތު އޭނާއަށް ދޭން ނިންމައި އެ ޕާޓީގެ ލީޑާޝިޕުން މިހާރު އެކަން އިއުލާންކޮށްފައިވާ ކަމަށް ވެސް ކަންގަނާ ބުންޏެވެ.
އިންޑިއާގެ ގާނޫނު ހަދާ މަޖިލީހުގެ ތިރިގޭގެ އިންތިހާބު ބާއްވަނީ އަންނަ މަހު 19 އިން ފެށިގެން ޖޫން އެކެއްގެ ނިޔަލަށެވެ. އަދި ނަތީޖާ އިއުލާންކުރަނީ ޖޫން މަހުގެ ހަތަރެއްގަ އެވެ. އެ އިންތިހާބުގައި 543 މެމްބަރުން އިންތިހާބުކުރާނެ އެވެ.
ކަންގަނާ އަކީ ބޮޑުވަޒީރު ނަރެންދުރަ މޯދީ އާއި ބީޖޭޕީ އަށް ވަރަށް ބޮޑަށް ސަޕޯޓްކުރާ ބަތަލާއެކެވެ. އަދި އޭނަ ފާހަގަކުރެވިފަައި ވަނީ މުސްލިމުންނާ ދެކޮޅު، ހަރުކަށި ހިންދޫ ފިކުރު ގެންގުޅޭ މީހެއްގެ ގޮތުގަ އެވެ.
