ބޮލީވުޑްގެ ހުނަރުވެރި އެކްޓަރު ވިކީ ކޯޝާލް އޭނާގެ ކުރިއަށް އޮތް ފިލްމް އަށް ތައްޔާރު ވުމުގެ ގޮތުން ހަށިގަނޑަށް ބޮޑު ބަދަލެއް ގެެނެސްފިއެވެ.
ބަތަލާ ކެޓްރީނާ ކައިފް ގެ ފިރިމީހާ ވަނީ ހަށިގަނޑުގެ މަސްތަށް އިތުރަށް ވަރުގަދަ ކޮށް، ހަށިގަނޑު ވަރަށް ވަރުގަދަ ކޮށްލައިފި އެވެ. އޭނާ ވަނީ މި ބަދަލު ފެންނަ ފޮޓޯއެއް ވެސް ސޯޝަލް މީޑިއާއަށް ދޫކޮށްލައިފައިއެވެ.
އެ ފޮޓޯއިން ފެންނަ ގޮތުގައި ވަކީ ވަނީ ބޮޑީ ބިލްޑްކޮށް އޭނާގެ ހަށިގަނޑަށް ބޮޑު ބަދަލެއް ގެނެސްފަ އެވެ. މިހާރު އޭނާ ފެންނަނީ ބޮޑު ބިޔަ ހަށިގަނޑަކާއި އެކުގައި ވަރަށް ތަފާތު ކޮންނެވެ.
ވިކީ މިހާރު ތައްޔާރުވަމުން އަންނަނީ 15 ވަނަ ގަރުނުގައި އިންޑިއާގެ މަރާޓީ ރަސްދަރިކޮޅުގެ ވެރިއަކަށް ހުންނެވި ޗަތުރަޕަތީ ސަމްބާޖީ މަހަރާޖްގެ ހަޔާތަށް ގެނެސްދޭ ފިލްމަކަށެވެ. "ޗާވާ"ގެ ނަން ދީފައިވާ އެ ފިލްމުގައި ވަކީއާ އެކު ލީޑު ރޯލުން ރަޝްމީކާ މަންދަނާ ވެސް ފެންނާނެ އެވެ.
ކޮމެންޓު ފޮނުވާ