މަޝްހޫރު ބޮލީވުޑްގެ ބަތަލާ ޝްރައްދާ ކަޕޫރު ވަރަށް އަވަހަށް ކައިވެނި ކުރަން އުޅޭ ކަމަށާއި މިހާރު ވެސް އަންނަނީ މި ކައިވެންޏަށް ތައްޔާރު ވަމުން ކަމަށް ރިޕޯޓް ތަށް ބުނެފިއެވެ.
ފިލްމީ ޚަބަރުތައް ގެނެސްދޭ މީޑިއާތަކުން ބުނީ ޝްރަދާ އާއި މިހާރުގެ ލޯބިވެރިޔާ ރާހުލް މޯދީގެ ގުޅުން މިހާރު ވަރަށް ސީރިއަސް ކަމަށެވެ. އެހެންވެ އެ ދެ މީހުން ކައިވެނި ވެސް ޕްލޭންކޮށްފައިވާތީ ދެ ފަރާތުގެ އާއިލާއިން މިހާރު ވެސް އެކަމުގެ ތައްޔާރީތައްވާން ފަށާފައިވާ ކަމަށް ބައެއް މީޑިއާތަކުން ބުންޏެވެ.
ޝްރަދާ، 37، މިހާރު ލޯބީގެ ގޮތުން ގުޅިގެން އުޅެނީ ފިލްމު ރައިޓަރެއް ކަމަށްވާ ރާހުލް މޯދީ، 32، އާ އެވެ. އެ މީހުން ރައްޓެހިވެގެން އުޅޭތާ ދުވަސްތަކެއް ވިޔަސް، އެ ގުޅުމާ ބެހޭ ގޮތުން އެ ދެމީހުން ވެސް މިހާތަނަށް އެއްވެސް ވާހަކައެއް ދައްކާފައެއް ނުވެ އެވެ.
މި ދެ މީހުންގެ ގުޅުމުގެ ވާހަކަ ދެކެވެން ފެށީ މި މަހުގެ ކުރީކޮޅު އެވެ. އެއީ ދެމީހުން އެކުގައި އިންޑިއާގެ މަހުޖަނު މުކޭޝް އަމްބާނީ ގެ ހަގު ދަރި އަނަންތް އަމްބާނީ ގެ ޕްރިވެޑިންގ ގައި އެކުގައި ފެނިގެންދިއުމާއި ގުޅިގެންނެވެ.
މަޝްހޫރު އެކްޓަރު ޝަކްތީ ކަޕޫރްގެ ދަރިފުޅު، ޝްރަދާގެ އާ ބައިވެރިޔާ ރާހުލް އަކީ އޭނަގެ މިދިޔަ އަހަރުގެ ފިލްމު "ތޫ ޖޫޓީ މޭ މައްކާރް" ގެ ސްކްރީން ރައިޓަރެވެ. ޝްރަދާ އާއި ރަހުލް ކައިވެނިކުރާ ތާރީހު ވަރަށް އަވަހަށް އިއުލާންކުރާނެ ކަމަށް ވެސް ނޫސްތަކުގައިވެ އެވެ.
View this post on Instagram
ޝްރަދާ ކުރިން ސެލެބްރިޓީ ފޮޓޯގްރާފަރު ރޯހަން ޝްރެޝްތާއާ ވެސް ރައްޓެހިވި އެވެ. އަދި ދެމީހުންގެ ކައިވެނީގެ ވާހަކަ ވަރަށް ބޮޑަށް ދެކެވުން ނަމަވެސް ކައިވެންޏަކާއި ހަމައަށް ނުގޮސް އެ ގުޅުން ނިމުމަކަށް އައީއެވެ.
