މޯލްޑިވްސް އިސްލާމިކް ބޭންކް (އެމްއައިބީ) ގައި މީހަކު ހުޅުވާފައިވާ އެކައުންޓަކުން މަކަރާއި ހީލަތުން 1.8 މިލިއަން ރުފިޔާ ނެގި މައްސަލާގައި ހައްޔަރު ކުރި 3 މީހުންގެ މައްސަލައިގައި ޕްރޮސެކިއުޓަރ ޖެނެރަލްގެ އޮފީހަށް ދައުވާ ކުރަން ފޮނުވާފައިވާ ކަމަށް ފުލުހުން ވިދާޅުވެއްޖެއެވެ.
ފުލުހުންގެ ކްރައިމް އިންވެސްޓިގޭޝަން ކޮމާންޑް އިން ތަހުޤީޤު ކުރަމުންދާ ކަންކަމާއި ގުޅޭގޮތުން މިއަދު ބޭއްވި ނޫސްވެރިންގެ ބައްދަލުވުމުގައި ފުލުހުންގެ ހެޑް އޮފް ފައިނޭންޝަލް ކްރައިމް ޔުނިޓްގެ އިންސްޕެކްޓަރ އޮފް ޕޮލިސް ޔޫސުފް ލޫތު ވިދާޅުވީ މައްސަލައިގެ ތަހުޤީޤު އެއްކޮށް ފުރިހަމަކޮށްފައިވާ ވާކަމަށެވެ.
އަދި އޭނާ ވިދާޅުވީ މިމައްސަލާގައި ދައުވާކުރަން ފިނުވާފައިވާ ތިން މީހުންގެ ތެރޭގައި ކުޑަކުއްޖަކު ވެސް ހިމެނޭ ކަމުގައެވެ.
ލޫތު ވިދާޅުވީ މި މައްސަލައިގެ މީހެއްގެ ފޯން ބޭނުންކޮށްގެން އެކި ފަހަރުމަތިން ފައިސާ އެކައުންޓުތަކަށް ޓްރާންސްފާކޮށްފައި ވާކަމުގައެވެ. އަދި އޭނާ ވިދާޅުވީ މައްސަލަ ހުށަހެޅިތާ 48 ގަޑިއިރު ތެރޭގައި ގިނަ ފައިސާތަކެއް ފުލުހުން ހޯދާފައިވާ ކަމުގައެވެ. 48 ގަޑިއުރުތެރޭގައި ފުލުހުން ރިކަވަރ ކުރީ 1.6 މިލިއަން ރުފިޔާއެވެ.
ކޮމެންޓު ފޮނުވާ