ރަޝިއާގެ އިދިކޮޅު ލީޑަރު އެލްކްސީ ނަވާލްނީ ގެންދަވަނީ އެމެރިކާގެ ސެޕެޝަލް ފޯސްގެ ފުރިހަ ރައްކާތެރިކަން ހޯއްދަވަމުން ކަމަށާއި، ރަޝިއާގެ ސްޕެޝަލް ސާވިސްއިން ނަވާލްނީ މަރާލަން ބޭނުންވިނަމަ، އެކަން އޮންނާނީ ވަރަށް ފަސޭހަކަމާއެކު ކޮށްފައިކަމަށް ރަޝިއާގެ ރައީސް ލާޑްމިއަރ ޕުޓިން ވިދާޅުވެއްޖެއެވެ.

ޕުޓިން މިހެން ވިދާޅުވެފައިވަނީ، ކޮންމެ އަހަރުކުވެސް، ޕުޓިން ބާއްވަމުން ގެންދަވާ، އަހަރީ ޕްރެސް ބްރީފިންގައި ކުރެވުނު ސުވާލުތަކަށް ޖަވާބު ދެއްވަމުންނެވެ. އަދި، ސީއެންއެންއާއި އިންވެސްޓިގޭޓިވް ގްރޫޕް ބެލިންގކެޓްއިން ކުރި ތަހުގީގަށްފަހު، ހޯމަ ދުވަހު ޝާއިއު ކޮށްފައިވާ ދިރާސާތަކުން، ނަވާލަނީ އަށް ވިހަ ދިނުމަށް، ރަޝިއާގެ ފެޑެރަލް ސެކިއުރިޓީ ސާވިސްއިން، ނާވް އޭޖެންޓްއާއި ބެހޭ ޚާއްސަޓީމެއް ތައްޔާރުކޮށް ނަވާލްނީއަށް ފާރަލަމުންދާތާ އެތަކެއް އަހަރުތަކެއް ވެގެން ގޮސްފައިވާ ކަމުގެ ހެކި ފެނިފައިވަނިކޮށެވެ.

މިއަހަރުގެ އޮގްސްޓު މަހު، ވިހަ ކެމިކަލެއް ކަމުގައިވާ، ޓޮކްސިން ނޮވިކޮކްގެ ބޭނުން ކޮށްގެން ނަވާލްނީއަށް ވިހަދިނުމުގެ ސަބަބުން އޭނާގެ ފުރާނަ ސަލާމަތްވީ ކިރިޔާއެވެ.

އަދި ސައިބީރިއާގެ އޯމްސްކްގައި ފަރުވާ ދިނުމަށްފަހު، ފަހުން އޭނާ ވަނީ އިތުރު ފަރުވާއަށް، ޖަރުމަރުވިލާތުގެ ވެރިރަށް ބާލިންގެ ކުލިނިކަކަށް ބަދަލު ކޮށްފައެވެ. ކްރެމްލިންއިން ތަކުރާރުކޮށް ވަނީ، ނަވާލްނީއަށް ދެވުނުމު ކެމިކަލްގެ މިހަމަލާގެ ފަހަތުގައި އޮތް ކަމަށް ދެކޮޅު ހަދާފައެވެ.

ނަވާލްނީއަށް ދެވުނު މިހަމަލާއާއި ގުޅޭގޮތުން ކުރެވުނު މިތަހުގީގާ ގުޅޭގޮތުން ފުރަތަމަ ފަރަހަށް ވާހަކަ ދައްކަވަމުން، ޕުޓިންވަނީ، މިތަހުގީގު ހޯދުންތަކަށް ދެކޮޅު ހައްދަވާފައެވެ. އެހެންނަމަވެސް، ރަޝިއާގެ ފެޑެރަލް ސެކިއުރިޓީ ސާވިސްއިން ނަވާލްނީ އުޅޭ ނުއުޅޭގޮތް ބަލަމުން ގޮސްފައިވާކަމަށް ޕުޓިންވަނީ އެއްބަސްވެ ވަޑައިގެންފައެވެ.

އެއްވެސް ހެއްކެއް ދެއްކުމެއް ނެތި، ނަވާލްނީއަށް، "ބާލިންގެ ހޮސްޕިޓަލްގައި ފަރުވާ ދީފައިވާ މީހާ"ގެ ނަމުން މުޚާތަބުކުރަމުން ޕުޓިން ވަނީ، އެމެރިކާގެ އިންޓެލިޖެންޓް ސާވިސްއިން ނަވާލްނީއަށް ފުރިހަމައަށް އެއްބާރުލުން ދެމުންދާ ކަމަށް ތުހުމަތު ކުރައްވާފައެވެ. އަދި ޕުޓިން ވިދާޅުވި ގޮތުގައި، މި ސަބަބައްޓަކާ، ރަޝިއާގެ ފެޑެރަލް ސެކިއުރިޓީ ސާވިސްއިން ނަވާލްނީ އުޅޭ ނޫޅޭގޮތް ބަލަން މަޖުބޫރު ވެއެވެ.

"އެހެންނަމަވެސް، އެއީ އޭނާއަށް ވިހަ ދޭންޖެހޭ ސަބަބެއް ނޫން. އެހެން ނޫނަސް އޭނާ މަރާލަން ބޭނުން ވެގެން އުޅެނީ ކާކު؟ އަދި އެމީހުން، (ފެޑެރަލް ސެކިއުރިޓީ ސާވިސްއިން) އޭނާ މަރާލަން ބޭނުންވި ނަމަ، ވަރަށް ފަސޭހަކަމާއެކު އެމީހުން އޭނާގެ ދުވަސް ދުއްވާލީސް،" ޕުޓިން ވިދާލުވިއެވެ. "އެހެންނަމަވެސް، އޭނާގެ އަންހެނުން އަހަރެންގެ ގާތުގަ އެދުނު އެދުމަށް އިޖާބަދީ، އޭނާ ވަގުތުން، ފަރުވާއަށް ރަޝިއާއިން ފުރުވާލުމުގެ ހުއްދަ އަހަރެން ދިނިން…މިއީ ރަޝިޔާގެ ވެރިންގެ ބޮލުގައި ދޮގު ތުހުމަތު އެޅުމަށް ބޭނުންކުރި އުކުޅަކަށް ވެގެން މިދިޔައީ،" ޕުޓިން ވިދާޅުވިއެވެ.

މި ނޫސް ކޮންފަރެންސްގައި ޕުޓިންވަނީ، އެމެރިކާގެ އިންތިޚާބަށްފަހު، އެމެރިޖާއާއި ރަޝިއާއާއި ދެމެދު އުފެދިފައިވާ ނުތަނަވަސްކަމަށް ހައްލެއް ލިބިގެންދާނެ ކަމަށް އުއްމީދު ކުރައްވާކަމަށް ވިދާޅުވެފައެވެ. އަދި ވިދާޅުވެފައިވަނީ، އެމެރިކާގެ އިންތިޚާބުގެ ނަތީޖާ ބަދަލުކުރުމަށް ރަޝިއާގެ ހެކަރުންގެ އެއްވެސް ދައުރެއް ނޯންނާނެ ކަމަށް ވިދާޅުވެފައެވެ.

ޕުޓިން ސިޔާސީ މުސްތަގުބަލާ ގުޅޭގޮތުން ކުރެވުނު ސުވާލުތަކަށް ޖަވާބު ދެއްވަމުން ވިދާޅުވެފައި ވަނީ، 2024ގައި އޮންނަ ރިޔާސީ އިންތިޚާބުގެ ވަހަކަ ދައްކަން އަދި އަވަސްކަމުގައި ކަމަށާއި އެއިންތިޚާބުގައި ރައީސްކަމަށް ވާދަކުރެއްވުމާމެދު އަދި ގޮތެއް ނުނިންމަވާ ކަމުގައެވެ.