ރައީސް ޔަމިންގެ ވެެރިކަމުގައި އިޓްލޮސްއިން ކުރި ހުކުމް އޭރުގެ ސަެުކާރުން ގަބޫލު ކުރުމުން ރާއްޖެއިން ގެލުނިކަމަށް ބުނާ ކަނޑުހމގެ ބައި ހޯދުމަށް މިސަރުކާރުން ރިޔާސީ ކޮމިޝަނެއް ނުއުފައްދާ، ބަންޑާރަނައިބުގެ އޮފީހުން އުފެއްދި ކުޑަ ކޮމިޓީއަކުން އެމްސައްކަތް ކުރިޔަށް ގެންދާތީ ކުރީގެ ރައީސް ޔާމިން ކަންބޮޑުވުން ފާޅު ކޮށްފިއެވެ.
މިކަމުގެ ކަންބޮޑުވުން ޔާމިން ފާޅު ކުރެއްވީ އެމަނިކުފާނު އުފައްދާފައިވާ ޕީއެންއެފްގެ ރަސްމީ އޮފީސް ފްރަންޓް އޮފީހުގައި އޮތް ޖަލްސާގައި ވާހަކަ ދައްކަވަމުންނެވެ.
މި ޖަލްސާގައި ވާހަކަ ދައްކަވަމުން ޔާމިން ވިދާޅުވީ މި މައްސަލައިގައި ސަރުކާރުގެ ރާގު މިހާރު ބަދަލުވެފައިވާ ކަމަށެވެ. ރާއްޖެ – މޮރިޝަސް ކަނޑުގެ ފުށު އަރާ ސަރަހައްދު އިޓްލޮސްގައި ނިމިގެން ދިޔައީ އެންމެ ރަނގަޅަށްކަމަށް ގަބޫލު ނުކުރެވޭތީ، އެ ނިންމުން އިސްތިއުނާފު ކުރާނެކަމަށް ތަކުރާރުކޮށް ވައުދުވުމަށް ފަހު ބަންޑާރަ ނައިބުގެ އޮފީހުން މިދިޔަ ހަފްތާގައި ނެރުނު ބަޔާނެއްގައި ބުނީ އެކަމުގައި ގޮންޖެހުންތަކެއް އެބަހުރިކަށް ކަމަށެވެ.
މި މައްސަލައިގައި ރިޔާސީ ކޮމިޝަނެއް ނުއުފައްދާ.. މި މައްސަލައިގައި ރިޔާސީ ކޮމިޝަނެއް ނުއުފެއްދި.. މި މައްސަލަ މި ހިނގަނީ ބަންޑާރަ ނައިބުގެ ދަށުން ހިންގާ ކޮމިޓީއަކުން.. އެހެންވީމަ
ކަނޑުގެ މަސްސަލާގައި ރިޔާސީ ކޮމިޝަނެއް އުފައްދާފައި ނުވަނީ ރައީސް މުއިއްޒު އެއްވެސް މިންވަރަކަށް ކަނޑު އަނބުރާ ހޯއްދެވުމަށް އިހުލާސްތެރިކަމެއް ނެތްކަމަށް މޭރުން ކުރައްވަމުން ޔާމިން ވިދާޅުވިއެވެ.
ރައީސުލްޖުމްހޫރިއްޔާގެ އޮފީހުގެ ވެބްސައިޓުގައި އާންމުކޮށްފައިވާ ހަފްތާ 14 ގެ މައުލޫމާތުތަކުގައިވާ ގޮތުގައި ގެއްލުނު ކަނޑުގެ ސަރަހައްދު އަނބުރާ ހޯދުމުގެ މަސައްކަތުގެ ވައުދުން ފުއްދިފައިވަނީ 80 އިންސައްތަ.
