ރައީސް އެމަނިކުފާނު މިނިވަންކުރުމަށް އެއްވެސް މަސައްކަތެއް ކުރައްވާނެކަމަށް އިންތިޒާރު ނުކުރައްވާކަމަށް ރައީސް ޔާމިން ވިދާޅުވެއްޖެއެވެ.
ރައީސް ޔާމިން މިހެން ވިދާޅުވީ 20 ވަނަ ރައްޔިތުންގެ މަޖިލިސް އިންތިޚާބްގައި ޕީއެންއެފްގެ ޓިކެޓުގައި ވާދަކުރައްވާ ކެންޑިޑޭޓުންގެ ސިޔާސަތު ހާމަކުރުމަށް ބާއްވަމުން އަންނަ ޖަލްސާތަކުގެެ ތެރެއިން އާދިއްތަ ދުވަހުގެ ރޭ ބޭއްވި ޖަލްސާގައި ކެންޑިޑޭޓަކާ ސުވާލު އަމާޒުކުރައްވަމުންނެވެ.
އެގޮތުން ވާހަކަ ދައްކަވަމުން ޔާމިން ވިދާޅުވީ އެމަނިކުފާނު މިނިވަން ކުރާނަމަ މިނިވަން ކުރަންވީ މިއަދަކު ނޫން ކަމަށާއި، ފާއިތުވި ދެމަސްދުވަހު މިނިވަން ނުކޮށް ބަހައްޓަވަންވީ ކީއްވެތޯކަމަށެވެ. އަދި ރައީސް ޔާމިންވަނީ އެ ވާހަކަ ހުއްޓަވާލެއްވުމަށް އެދިވަޑައިގެންފައެވެ.
މިއަށްވުރެ މާ އާދައިގެ ހައްގުތަކެއް ދެވެން އޮއްވާ ނުދީ މަހުރޫމްކޮށްގެން ހިފަހައްޓައިގެން މިއުޅެނީ، ދެން ކީއްކުރަންތޯއޭ އަޅުގަނޑު އުންމީދު ކުރަންވީ، އަޅުގަނޑުގެ އިންތިޒާރުގެ އެއްވެސް ހިސާބަކު ނެތް ރައީސް މުއިއްޒު އަޅުގަނޑު ވީއްލުމަށް އެއްވެސް މަސައްކަތެއް ކުރައްވާކަމަކަށް، ކުރައްވަންޏާ ކީއްވެގެންތޯ މިއަދު ކުރަންވީ؟ ކީއްްވެގެންތޯ މި ދެމަސް ދުވަސް ދިޔަ އިރު ނުކުރެވެންވީ؟ އެހެންވީމާ އެވާހަކަ ހުއްޓާލަމާ!
ރައީސް ޔާމިން ވިދާޅުވިއެވެ.
ރޭގެ ޖަލްސާގައި ވާހަކަ ދައްކަވަމުން ރައީސް ޔާމިން ވިދާޅުވީ އިންސާފު ލިބުން ލަސްވި ނަމަވެސް އިސްތިއުނާފްގެ މަރުހަލާއިން ސަލާމަތްވާނެކަމުގެ އުއްމީދު އެބައިތް ކަމަށާއި، އެއީ އެމަނުކުފާނަކީ ކުށެއްނެތް މައުސޫމު ފަރާތަކަށް ވާތީ ކަމުގައެވެ.
ރިޝްވަތާއި މަނީ ލޯންޑަރިންގެ ތުހުމަތުގައި ޔާމިން ގެންދަވަނީ 11 އަހަރުގެ ޖަލު ހުކުމެއް ތަންފީޒު ކުރައްވަމުންނެވެ. އެހެންނަމަވެސް ވެރިކަމަށް ވަޑައިގެންނެވުމުނެ، އެންމެ ފުރަތަމަ މަސްއޫލިއްޔަތެއްގެ ގޮތުން ރައީސް ޔާމިން މިނިވަން ކޮށްދިނުމަކީ ރައީސް މުއިއްޒުގެ ރިޔާސީ ވައުދެކެވެ.
ކޮމެންޓު ފޮނުވާ