މި ސަރުކާރުން ތަރައްގީގެ އެއްވެސް އާ މަޝްރޫޢެއް ނުފަށާކަމަށާއި، އާ މަޝްރޫއުތައްކަމަށް ހަދާ އޮޅުވާލަމުންދާ ކަމުގައި ކުރީގެ ރައީސް ސާލިހު ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ، ހިންނަވަރު ދާއިރާއަށް ވާދަކުރައްވާ އަދި މިހާރުވެސް މަޖިލީހުގައި އެ ދާއިރާ ތަމްސީލު ކުރައްވާ ޖީހާން މަހުމޫދުގެ ކެމްޕޭނު ޖަލްސާގައި ރޭ ވާހަކަފުޅު ދައްކަވަމުންނެވެ.
އެ ޖަލްސާގައި ވާހަކަ ދައްކަވަމުން ރައީސް ސޯލިހު ވިދާޅުވީ މަޖިލީސް އިންތިހާބުގައި އެމްޑީޕީން ބޮޑު މެޖޯރިޓީއެއް ހޯދާނެ ކަމަށެވެ.
ސޯލިހު ވިދާޅުވީ ގޮތުގައި އެމަނިކުފާނުގެ ސަރުކާރުން ފެށި މަޝްރޫއުތައް، މި ސަރުކާރު އައުމަށް ފަހު ހުއްޓިފައިވާ ކަމަށެވެ. އެގޮތުން ކޮވިޑުގެ ބަލިމަޑުކަމުގެ ދުވަސްވަރު ރައްޔިތުންގެ ހެވާ ލާބައަށް އެތައް މަސައްކަތްތަކެއް ކުރިއަށް ގެންދިޔަ ކަމަށް ރައީސް ސާލިހު ވިދާޅުވިއެވެ.
ފެނާއި ނަރުދަމާ ކަރަންޓާ ލަފާ ފުރުމުގެ ގިނަ މަޝްރޫއުތައް ކުރިއަށް ގެންދިޔަ. މިއަދުގެ ސަރުކާރުން އެއްވެސް އާ ކަމެއް ކުރާތަނެއް ނުފެނޭ.
ރައީސް ސާލިހު ވިދާޅުވިއެވެ.
ރައީސް ސާލިހު އިތުރަށް ވިދާޅުވީ މިހާރު ކުރިއަށް ގެންދާ ހުރިހާ މަޝްރޫއުކީވެސް އެމަނިކުފާނުގެ ވެރިކަމުގެ ފަހުކޮޅު ފެށި މަޝްރޫއުތައް ކަމަށާއި އެއީ އާ މަޝްރޫއުތަކެއް ކަމަށް ދައްކާ ސަރުކާރުން ދަނީ އޮޅުވާލަމުން ކަމުގައެވެ.
އެއީ އާ މަޝްރޫއުތައް ކަމަށް ހަދާ އޮޅުވާ އެބަ ލާ.
ރައީސް ސޯލިހު ވިދާޅުވިއެވެ.
މި ޖަލްސާގައި ވާހަކަ ދައްކަވަމުން ރައީސް ސާލިހު ވިދާޅުވީ ގައުމު މިދާ މިސްރާބު ރަނގަޅު ނޫން ކަމަށާއި އެކުގައި މަސައްކަތް ނުކޮށްފިނަމަ ރާއްޖެ ފުން އަނދަވަޅަކަށް ވެއްޓިގެންދާނެ ކަމުގައެވެ.
ކޮމެންޓު ފޮނުވާ