މިއަހަރުގެ ފުރަތަމަ 44 ދުވަހުގެ ތެރޭގައި ރާއްޖެއައި ފަތުރުވެރިންގެ އަދަދު 3 ލައްކައަށް އަރައިފިއެވެ.
ޓުއަރިޒމް މިނިސްޓްރީން އާންމުކުރި ތަފާސް ހިސާބުތަކަށް ބަލާއިރި، މި ފެބްރުއަރީގެ 13 ވަނަ ދުވަހުގެ ނިޔަލަށް ރާއްޖެއަށް 294،923 ފަތުރުވެރިން ވަނީ ޒިޔާރަތް ކޮށްފައެވެ. މިއީ ފާއިތުވި އަހަރުގެ މި މުއްދަތުގައި ރާއްޖެ ޒިޔާރަތްކުރި ފަތުރުވެރިންނަށްވުރެ 16.1 އިންސައްތަ އިތުރު އަދަދެކެވެ.
މިހިގާ ފެބްރުއަރީމަހުގެ ފުރަތަމަ 13 ދުވަހުގެ ތެރޭގައި ރާއްޖެ އައިސްފައިވަނީ 102،538 ފަތުރުވެރިންނެވެ.
ރާއްޖެ އަންނަމުންދާ ފަތުރުވެރިންގެ އަދަދަށް ބޮޑު ކުރިއެރުމެއް އައިސްފައިވަނީ މިއަހަރު ފެށުމާއެކު ޗައިނާއަިން ރާއްޖެ އަންނަމުންދާ ފަތުރުވެރިންގެ އަދަދު އިތުވާން ފެށުމާއި ގުޅިގެންނެވެ. އެގޮތު ފާއިތުވި ހޮނިހިރު ދުވަހު ރާއްޖެއަށް 10،213 ފަތުރުވެރިން ޒިޔާރަތް ކޮށްފައިވާއިރު، މިއީ ރެކޯޑު އަދަދެކެވެ.
ޓުއަރިޒަމް މިނިސްޓްރީގެ ހިސާބުތަކަށް ބަލާއިރު، ޗައިނާއަކީ މިހާރު ރާއްޖެއަށް އެންމެ ގިނައިން ފަތުރުވެރިން ޒިޔާރަތްކުރާ ގައުމެވެ. މިމަހުގެ ފުރަތަމަ 10 ދުވަހުވެސް އެގައުމުން ރާއްޖެއަށް 40،829 ފަތުރުވެރިން އައިސްފައި ވެއެވެ.
ރާއްޖެއަށް ފަތުރުވެރިން ޒިޔާރަތްކުރާ ލިސްޓުގެ ދެވަނައިގައި އޮތް ރަޝިޔާއިން ރާއްޖެއަށް 28،928 ފަތުރުވެރިން އައިސްފައިވާއިރު، ލިސްޓުގެ ތިން ވަނައިގައި އޮތް އިޓަލީން ރާއްޖެއަށް 27،552 ފަތުރުވެރިން އައިސްފައި ވެއެވެ.
މި އަހަަރު ރާއްޖެއަށް ދެ މިލިއަނަށްވުރެ ގިނަ ފަތުރުވެރިން ގެނައުމަށް ސަރުކާރުން އަމާޒުހިފާފައިވާކަން ފާހަގަކޮށްލެވެއެވެ.
