މޯލްޑިވްސް ފިލްމް އެސޯސިއޭޝަން (އެމްއެފްއޭ) ގެ ހިންގާކޮމެޓީ އެކުލަވައިލުމަށް ބާއްވާ އިންތިޚާބު 16 ފެބްރުއަރީ 2024 ވާ ހުކުރު ދުވަހުގެ ރޭ ބޭއްވުމަށް ތައްޔާރުވާން ފަށައިފިއެވެ.
2023-2024 ވަނަ އަހަަރަށް ހިންގާކޮމެޓީ އެކުލަވައިލުމަށް ބާއްވާ އިންތިޚާބުގެ ކަންކަން ހިންގާ އިންތިޚާބާ ބެހޭ ކޮމެޓީން ބުނީ އިންތިޚާބު ބާއްވާނީ ވިލާ ކޮލެޖްގައި މި ހަފްތާގެ 16 ވާ ހުކުރުދުވަހުގެ ރޭގައި ކަމަށެވެ.
2022 ވަނަ އަހަރާއި 2023 ވަނަ އަހަރުގެ އެމްއެފްއޭ ބޯޑަށް ޖުމްލަ ހަތް މެންބަރުން ވަނީ އިންތިހާބު ކޮށްފައިއެވެ. އެއީ ޗެއާޕާސަންގެ މަގާމާއި ވައިސް ޗެއާޕާސަންގެ އިތުރުން ޖެނެރަލް ސެކްރެޓަރީ އާއި ޓްރެޒަރާ އަދި އިތުރު ތިން މެންބަރުންނެވެ.
2023-2024 ވަނަ އަހަަރަށް މޯލްޑިވްސް ފިލްމު އެސޯސިއޭޝަންގެ ހިންގާކޮމެޓީ އެކުލަވައިލުމަށް ބާއްވާ އިންތިޚާބު ކުރިއަށް ގެންދިއުމަށް ފުރަތަމަ ނިންމީ 15 ޑިސެމްބަރު 2023 އަށެވެ. ނަމަވެސް ސަރުކާރު ބަދަލު ވުމާއި ގުޅިގެން މި އިންތިހާބު ފަސްކުރީއެވެ.
15 ފެބްރުއަރީ 2024 ވާ ބުރާސްފަތި ދުވަހުގެ ރޭ 20:00 އިން 21:00 އާއި ދެމެދު ވޯޓުލުމަށް އެދޭ ފަރާތްތައް ރެޖިސްޓްރީކުރުމަށް ފުރުޞަތު ހުޅުވައިލާނެ އެވެ.
