އިންޑިއާގެ ކުރީގެ މަޝްހޫރު އެކްޓަރު މިތުން ޗަކްރަބަތީ ކުއްލިއަކަށް ބަލިވުމާ ގުޅިގެން ހޮސްޕިޓަލްގައި އެޑްމިޓްކޮށް ފަރުވާ ދޭން ފަށައިފި އެވެ.
ރިޕޯޓްތައް ބުނި ގޮތުގައި، 73 އަހަރުގެ މިތުންގެ މެއަށް ތަދެއް އަރައިގެން ކޮލްކަތާގެ އެޕޯލޯ ހޮސްޕިޓަލުގައި އެޑްމިޓްކޮށް ފަރުވާ ދެމުން އަންނަ ކަމަށެވެ. އަދި އޭނާ އެޑްމިޓްކުރި ހޮސްޕިޓަލުގެ އޮފިޝަލުންނާ ހަވާލާދީ ބައެއް ނޫސްތަކުގައި ބުނީ އޭނާ ވަނީ އިސެމިކް ސެރެބްރޯވަސްކިއުލާ ސްޓްރޯކް އަށް ޑައިގްނޯސް ކޮށްފަ އެވެ.
މިތުންގެ ދޮށީ ދަރިފުޅު އެކްޓަރު، މިމޯޗް ޗަކްރަބަތީއާ ހަވާލާދީ ބައެއް މީޑިއާތަކުން ބުނީ މިތުން އެޑްމިޓްކޮށް އެމްއާރްއައި ވެސް ހަދާފައިވާ ކަމަށެވެ. އެކަމަކު ސިއްހީ ހާލަތާ މެދު ކަންބޮޑުވާ ވަރުގެ ކަމެއް ނެތް ކަމަށް ބުނެފައިވެ އެވެ.
ކާމިޔާބު އެތައް ފިލްމެއް ކުޅެފައިވާ އެކްޓަރުގެ ކިޑްނީގައި ހިލަ އުފެދިގެން 2022 ގައި އެޑްމިޓްކޮށް ފަރުވާ ދީފައިވެ އެވެ. ފިލްމީ ދާއިރާއާ ދުރުގައި އުޅެމުން އަންނަ މިތުން މިހާރު ގިނައިން ފެންނަނީ ސިޔާސީ މަސައްކަތްތަކުގައި އުޅޭ ތަނެވެ. އޭނާ އަކީ އިންޑިއާގެ ގާނޫނު ހަދާ މަޖިލީހުގެ މަތިގޭގެ މިދިޔަ ދައުރުގެ މެމްބަރެކެވެ.
