ރައީސުލްޖުމްހޫރިއްޔާ ޑރ. މުޙައްމަދު މުޢިއްޒަކީ މީހުން މީހުންނަށް ހައްދަވާ ރައީސެއް ކަމަށް ސްޓޭޓް އިލެކްޓްރިކް ކޮމްޕެނީ، ސްޓެލްކޯގެ މެނޭޖިންގ ޑިރެކްޓަރ ޙުސައިން ފަހުމީ ވިދާޅުވެއްޖެއެވެ.
ފަހުމީ މިހެން ވިދާޅުވީ އެމްއެންޑީއެފުން ސްޓެލްކޯގެ މުވައްޒަފުންނަށް މިއަދު ކުރިއަށްގެންދާ ތަމްރީނު ޕްރޮގްރާމާއި ގުޅިގެން މީސް މީޑިއާގައި ޙިއްސާ ކުރެއްވެވި މެސެޖެއްގައެވެ.
ފަހުމީ ވިދާޅުވީ، ރައީސުލްޖުމްހޫރިއްޔާ ޑރ، މުޙައްމަދު މުޢިއްޒުގެ ސިޔާސަތަކީ ސަރުކާރުގެ އިދާރާތަކާއި މުއައްސަސާތަކުން ރައްޔިތުންނަށް ޚިދުމަތް ދިނުމުގައި، އެ ރައްޔިތުން އެދޭގޮތަށް ހިނިތުންވުމާއި އޯގާތެރިކަމާއެކު ޚިދުމަތް ފޯރުކޮށްދިނުން ކަމަށެވެ. މިގޮތުން ފަހުމީ ވިދާޅުވީ މީހުން މީހުނަށްވަނީ މީހުން މީހުނަށް ހެދުމުން ކަމަށެވެ.
ހަމައެއާއެކު، ސްޓެލްކޯގެ މެނޭޖިންގ ޑިރެކްޓަރުކަމާ ފަހުމީ ހަވާލުވެ ވަޑައިގަތުމަށްފަހު، އެންމެ އިސްކަމެއްދީގެން ކުރިއަށް ގެންދަވާ އެއްކަމަކީ ރައީސް ޑރ. މުޢިއްޒުގެ ލަފާފުޅާ އިރުޝާދުފުޅުގެ ދަށުން ރައްޔިތުންނަށް ދެވޭ ޚިދުމަތުގެ ފެންވަަރު ރަނގަޅުކުރުމާއި މުވައްޒަފުންގެ ހުނަރާ ގާބިލުކަން އިތުރުކުރުމުގެ މަސައްކަތް ކަމަށް ފަހުމީ ވިދާޅުވިއެވެ.
ކޮމެންޓު ފޮނުވާ