ރައީސުލްޖުމުހޫރިއްޔާ ޑރ. މުހައްމަދު މުއިއްޒު ރަސްމީ ދަތުރުފުޅެއްގައި މާދަމާ ޔުނައިޓެޑް އަރަބް އެމިރޭޓްސް (ޔޫއޭއީ)އަށް ވަޑައިގަންނަވާ ގޮތަށް ހަމަޖެހިއްޖެއެވެ.
ރައީސް ޔޫއޭއީއަށް ވަޑައިގަންނަވަނީ އެގައުމުގައި ބޭއްވުމަށް ހަމަޖެހިފައިވާ ގަވަމަންޓްސް ސަމިޓްގައި ބައިވެރިވެވަޑައިގަތުމަށެވެ.
މި ދަތުރުފުޅުގައި ރައީސްގެ އަރިހުގައި ސަރުކާރުގެ އިސްވެރިންގެ ވަފުދެއް ބައިވެރިވާއިރު، މި ދަތުރުފުޅުގައި ބައެއް ނޫސްވެރިންވެސް ބައިވެރިވާނެކަމަށް ވަނީ މައުލޫމާތު ލިބިފައެވެ.
ރައީސް މާދަމާ ޔޫއޭއީއަށް ފުރާވަޑައިގަންނަވާއިރު، ކޮޕް28 ސަމިޓްގައި ބައިވެރިވެވަޑައިގަތުމަށް ރައީސް މީގެކުރިން އަބޫދާބީ އަށް ވަނީ ވަޑައިގެންފައެވެ.
އަދި ރައީސް ވަނީ ތުރުކީއަށާއި ޗައިނާއަށްވެސް ވަޑައިގެންފައެވެ.
ކޮމެންޓު ފޮނުވާ