ބޮލީވުޑްގެ ތަރި އަނަންޔާ ޕާންޑޭގެ ދެބެންގެ ދެދަރި ބޭބެ އާހާން ޕާންޑޭ، ލޯބީގެ ފިލްމަކުން ފިލްމީ ދާއިރާއަށް ތައާރަފް ވާން އުޅޭ ކަމަށް މުނިފޫހި ފިލުވުމުގެ ހަބަރުތަށް ގެނެސްދޭ ނޫސްތަކުން ބުނަން ފަށައިފިއެވެ.
އުމުރުންގެ 26 އަހަރުގެ އާހާން ބޮލީވުޑަށް ތައާރަފުވާ ފިލްމު ޕްރޮޑިއުސްކުރަނީ ޔަޝްރާޖް ފިލްމްސް އިންނެވެ. އެ ފިލްމުގެ ޑައިރެކްޓަރަކީ "އާޝިގީ 2″ އާއި "އޭކް ވިލަން" އަދި "މަލަންގް" ކަހަލަ ފިލްމުތައް ގެނެސްދިން މޯހިތު ސޫރީ ކަމަށް ވެސް ރިޕޯޓްތައް ބުންޏެވެ. އެ ފިލްމުގެ ކޮންޓްރެކްޓްގައި މިހާރު އަހާން ސޮއި ކޮށްފައިވާ ކަމަށްވެ އެވެ.
View this post on Instagram
އަހާން ސޮއި ކޮށްފައިވަނީ ޒުވާން އުމުރުފުރައިގެ ލޯބީގެ ފިލްމަކަށެވެ. އެ ރޯލަށްޓަކައި މޯހިތު ސޫރީގެ ފަރާތުން މިހާރު ވެސް އޭނާ އަންނަނީ ޓްރެއިނިން ހޯދަމުން ކަމަށް ހަބަރުތައް ބުނެ އެވެ. އާހާން އަކީ ޔަޝްރާޖް ފިލްމްސްގެ ވެރިޔާ، އަދިތުޔަ ޗޯޕްރާގެ ދަރިވަރެކެވެ. އެ ޕްރޮޑަކްޝަންގެ އެކި ފިލްމުތަކުގައި ކެމެރާގެ ފުރަގަހުގައި އޭނާ ވަނީ އަދިތުޔަގެ ދަށުން މަސައްކަތް ކޮށްފަ އެވެ.
އަހާންއަކީ ޗަންކީ ޕާންޑޭގެ ކޮއްކޮ ޗިއްކީ ޕާންޑޭގެ ދަރި އެކެވެ. އޭނާއަކީ ފިލްމީ އާއިލާއަކަށް ނިސްބަތްވި ނަމަވެސް މިހާތަނަށް އެއްވެސް ފިލްމެއްގައި މަސައްކަތްކުރި ތަރިއެއް ނޫނެވެ.
