ގއ. ވިލިނގިލިން ފްލެޓް ލިބުނު ކަމަށް ބުނެ އެރަށު މީހެއްގެ އަތުން ދެލައްކަ ރުފިޔާ، މަކަރާއި ހީލަތުން އަތުލާފައިވާ މައްސަލައެއް ތަހުގީގު ކުރަމުންދާ ކަމަށް ފުލުހުން ބުނެފިއެވެ.
ފުލުހުން ބުނެފައިވަނީ, ގއ ވިލިނގިލީގައި އެޗްޑީސީ އިން ފްލެޓެއް ލިބިއްޖެ ކަމަށް ބުނެ އޮޅުވާލައިގެން އެރަށު މީހެއްގެ ބޭންކު އެކައުންޓުން ދެލައްކަ ރުފިފާ މަކަރާއި ހީލަތުން ނަގާފައިވާ މައްސަލައެއް ފުލުހުންނަށް ހުށަހަޅާފައިވަނީ އިއްޔެގެ ވަގުތެއްގައި ކަމުގައެވެ.
މިމައްސަލައާ ގުޅިގެން އަދި މީހަކު ހައްޔަރުކޮށްފައިނުވާ ކަމަށާއި އެހެންނަމަވެސް މައްސަލަ ތަހުގީގު ކުރަމުންދާ ކަމުގައި ފުލުހުން ބުނެފައި ވެއެވެ.
ގޯއްޗާއި ފްލެޓް ލިބޭނެކަމަށް ބުނެ މީގެ ކުރިންވެސް މަކަރާއި ހީލަތުން މީހުން އަތުން ފައިސާ ނެގުމަށް ސްކޭމްތައް ހިންގާފައި ވެއެވެ. އަދި ކަންކަމަށް ސަމާލުވުމަށް ރަސްމީ އިދާރާތަކުން އިލްތިމާސް ކޮށްފައި ވެއެވެ.
ކޮމެންޓު ފޮނުވާ