ފާޑު ފާޑުގެ ހެދުން އެޅުމުގައި މަޝްހޫރު ސެލެބްރިޓީ އުރްފީ ޖާވެދް އަނެއްކައިވެސް ތަފާތު ފިލްމް ހެދުމެއްގައި ފެނިގެން ގޮސްފިއެވެ.
މިފަހަރު ގެ ހެދުމުގައި އޭނާ ފެނިގެންދަނީ ބާލިހާކާއި އެކުގައިއެވެ. ބޮޑު ކަންނެޔޮ ބާލީހެއް ވެސް ހިމެނޭ މިހެދުން ލައިގެން ނަގައިފައިވާ ފޮޓޯތަށް މިހާރު ސޯޝަލް މީޑިއާގައި އަންނަނީ ވައިރަލް ވަމުންނެވެ.
View this post on Instagram
ތަފާތު ޕްރޮޕް ތަށް ބޭނުން ކޮށްގެން ހެދުން އެޅުމަށް މަޝްހޫރު އުރްފީ ވަނީ މިފަހުން އޭނާ ވަނީ ސާފަތް ޕެކެޓްއިން ހެދުމެއް ލައިފައިއެވެ. މީގެ އިތުރުން އޭނާ ވަނީ ތަފާތު ވައްތަރުގެ ސާމާނު ބޭނުން ކޮށްގެން ހެދުން ތައްޔާރުކޮށް އެލައިގެން ސޯޝަލް މީޑިއާގައި ހިއްސާ ކޮށްފައިއެވެ. އެގޮތުން ފޯނަށް ލައްވާ ސިމް އާއި ގަހެއްގެ ތޮށި ގަނޑާއި މަސް ހިފުމަށް ބޭނުން ކުރާ ދާގަނޑަކާއި ދެފޮތި ޕިއްޒާއިން ހެދުމެއް ހަދައިގެންވެސް އޭނާ ވަނީ އާންމުންގެ ސާމާލު ކަން ހޯދައިފައިއެވެ.
ބައެއް ސިލްސިލާ ޑްރާމާ ތަކުން ފެނިގެން ގޮސްފައިވާ އުރްފީ އަކީ މިހާތަނަށް އޭނާގެ އެކްޓިންގެ ކެރިއަރުގައި މާބޮޑު ކާމިޔާބެއް ހޯދިފައިވާ މީހެއް ނޫނެވެ. މީގެ ކުރިން އޭނާ ވަނީ "ޗަންދުރާ ނަންދިނީ" އާއި "ޔޭ ރިޝްތާ ކިޔާ ކެހެލާތާ ހެ" އަދި "ކަސޯޓީ ޒިންދަގީ ކޭ" ގައިވެސް ކުޑަ ރޯލަކުން ފެނިގެން ގޮސްފައެވެ.
