ޕްލާސްޓިކް ސާޖަރީގެ ސަބަބުން ސުޝްމީތާގެ ތީރިކަން ވަރަށް ބޮޑަށް ގެއްލިއްޖެ ކަމަށާއި އޭނާ ގެ މޫނުމަތީގެ ރީތިކަން މިހާރު ނެއް ކަމަށް ފޭނުން ބުނަން ފަށައިފިއެވެ.
މިފަދައިން އެމީހުން ވާހަކަ ދައްކައިފައިވަނީ މިފަހުން ބޭއްވި 'ޕިންކްވިލާ މާސްޓާކްލާސް' ގައި އޭނާ ފެނިގެންދިއުމާއި ގުޅިގެންނެވެ. މި އިވެންޓުގައި އޭނާ ވަނީ އާންމުންގެ ބައެއް ސުވާލު ތަކަށް ޖަވާބުވެސް ދީފައިއެވެ.
ގިނަ ބަޔަކު ބުނެފައިވަނީ އެ އިވެންޓުގައި ސުޝްމީތާ ފެނުން އިރުގައި މޫނުމަތި ވަރަށް ބޮޑަށް ބަދަލުވެފައިވާ ކަމަށެވެ. އަދި މިހާރު އޭނާގެ ސިފަ ރީތި ނޫން ކަމަށާއި ވަރަށް ބޮޑަށް ސާޖަރީ ހަދައިފައިވާކަން އެނގޭ ކަމަށް ބުނެފައިވެއެވެ.
އަދި ބައެއް މީހުން ވަނި ސުޝްމީތާ އާއި ރާކީ ސާވަންތް އާއި ވެސް އަޅާ ކިޔައިފައިއެވެ. އެގޮތުން އެމީހުން ބުނެފައިވަނީ ސުޝްމީތާ އަކީ ރާކީ ގެ ކޮށްކޮ ކަމަށެވެ. އޭގެ އިތުރުން ގިނަބަޔަކު ބުނީ ސުޝްމީތާގެ މޫމުގެ ސިފަ ވަނީ ހުރު ވެފައި ކަމަށެވެ.
View this post on Instagram
1994 ވަނަ އަހަރު މިސް ޔުނިވާސްގެ ތާޖް ހާސިލު ކުރި ބަތަލާ ގެ ކެރިއައު ފަށައިފައިވަނީ 1996 އަހަރުގެ "ދަސްތަކް" އިންނެވެ. އޭނާ އެންމެ ފަހުން ފެނިގެން ގޮސްފައިވަނީ 2010 ވަނަ އަހަރުގެ ފިލްމް "ނޯ ޕްރޮބްލަމް" އިންނެވެ.
ދުވަސްގަނޑަކު ފިލްމީ ދާއިރާ އާއި ދުރުގައި ހުރުމަށް ފަހު އޭނާ ވަނީ 2020 ވަނަ އަހަރު އާރިޔާ ކިޔާ ވެބް ސީރީޒް އަކުން އެނބުރި ފިލްމީ ދާއިރާ އާއި އަލުން ގުޅިފައިއެވެ. މި ޑްރާމާ ވެގެން ގޮސްފައިވަނީ ވަރަށް ބޮޑު ތަރުހީބެއް ބެލުންތެރިންގެ ލިބިގެން ދިއަ ޑްރާމާ އަކަށެވެ.
