ރާއްޖޭގަ ތިބި އިންޑިއާ ސިފައިން ކުރިޔަށްދަނީ ޑިޕްލޮމަސީގެ ރިވެތި އުސޫލުން ކަމުގައި ރައީސް މުއިއްޒު ވިދާޅުވެއްޖެއެވެ.
ރައީސް މިހެން ވިދާޅުވީ، ރައީސްގެ ޖަވާބުގެ ނަމުގައި ކުރިއަށްގެންދާ ސިލްސިލާ ޕްރޮގްރާމްގެ ތެރެއިން އާންމުންގެ މީހަކު ކުރި ސުވާލަކަށް ޖަވާބުދެއްވަމުންނެވެ.
ރައީސް އޮފީހުން ކުރިޔަށް ގެންދާ "ރައީސްގެ ޖަވާބު" ސެގްމަންޓުގަައި، އަހުމަދު ޝަރީފް މިއަދު ކުރި ސުވާލުގައި އޭނާ ބުނެފައިވަނީ އިންޑިއާ ސިފައިން އަސްކަރީ ޔުނީފޯމް ބޭލުމަށްފަހު ކުލަ ހެދުމުގައި އަލުން އަންނަން ބޭނުންވާކަމަށް އަޑު އިވޭ ކަމަށާއި، އެކަމުގެ ހަގީގަތް އޮޅުން ފިލުވަން ބޭނުންވާ ކަމުގައެވެ.
އަހުމަދު ޝަރީފްގެ ސުވާލުގެ ޖަވާބުގައި ރައީސް މުއިއްޒު ވިދާޅުވީ މާރޗްމަހުގެ 10 ވަނަ ދުވަހާއި ހަމައަށް ދާއިރު އެއް ޕްލެޓްފޯމުގަ ތިބި ސިފައިން ރާއްޖެ ދޫކޮށް ދާނެކަމަށާއި، މޭމަހުގެ 10 ވަނަ ދުވަހާއި ހަމައަށް ދާއިރު ދެން ހުރި ދެ ޕްލެޓްފޯމުގަ ތިބި ސިފައިން ރާއްޖެ ދޫކޮށް ދާނެ ކަމުގައެވެ.
ރޭވުންތެރިކަމާ އެކީގަ އަޅުގަޑުމެން މަޝްވަރާގެ އުސޫލުން އަޅުގަޑުމެން ކުރާ މަސައްކަތުން އިރާދަ ކުރެއްވިއްޔާމު ރައްޔިތުންނަށް ޔަގީންކަން އަޅުގަޑު ދެނީ މިރާޖޭގަ އެއްވެސް ގައުމެއްގެ ސިފައިންނެއް ނުތިބޭ ހިސާބަށް ވަރަށް އަވަހަށް ގެންގޮސް ދޭނަމޭ.
ރައީސް މުއިއްޒު ވިދާޅުވުއެވެ.
އިތުތަށް ރައީސް މުއިއްޒު ވިދާޅުވީ އޭގެ އިތުރުންވެސް ރާއްޖޭ އެކްސްކުލޫސިވް އިކޮނޮމިކް ޒޯން ރާއްޖެއިން އަމިއްލައަށް ބެލެހެއްޓުމުގެ ގާބިލްކަން އިތުރު ކުރުމާއި، އަދި އޭގެ އިތުރުންވެސް މެޑިކަލް އިވޭކުއޭޝަންގެ ދާއިރާއިން ގާބިލްކަން އިތުރު ކުރުމަށްޓަކާ އެއަރ އެމްބިއުލާންސްގެ ޚިދުމަތް މާރޗް 1 ގައި ފެށިގެންދާނެ ކަމުގައެވެ
