3 ގައުމަކަށް އައްޔަން ކުރުމަށް ރައީސް މުއިއްޒު ފޮނުއްވި ނަންފުޅުތައް ކޮމިޓީއަށް ފޮނުއްވައިފިއެވެ.

މި ނަންފުޅުތައް ދިރާސާ ކުރުމަށް ހާރިޖީ ގުޅުންތަކުގެ ކޮމިޓީ އަށް ފިނުވީ މިއަދުއެވެ.

ރައީސް ރައްޔިތުންގެ މަޖިލިހަށް ނަންފުޅުތައް ފޮނުއްވީ 3 އެމްބަސީއަކަށް ބޭފުޅުން އައްޔަން ކުރެއްވުމަށެވެ. ސްރީލަންކާއަށާއި މެލޭޝިއާއަށާއި ބެލްޖިއަމާއި ޔޫރަޕިއަން ޔޫނިއަންއަށެވެ.

ސްރީލަންކާގެ ސަފީރު ކަމަށް އައްޔަން ކުރައްވަން ފޮނުއްވާފައިވަނީ، ކުރީގެ ރައީސް މުހައްމަދު ނަޝީދުގެ ވެރިކަމުގައި ރައީސް އޮފީހުގެ ޕްރެސް ސެކެރެޓަރީކަން ކުރެއްވި މަސްއޫދު އިމާދުގެ ނަންފުޅެވެ.

އޭނާވަނީ، ޕާކިސްތާން-މޯލްޑިވްސް ފްރެންޑްޝިޕް އެސޯސިއޭޝަން (ޕީއެމްއެފްއޭ) ގެ ރައީސްކަން ކުރައްވާފައެވެ.

މެލޭޝިއާގެ ހައކޮމިޝަނަރއަކަށް ފޮނުއްވާފައިވަނީ ރީގެ ރައީސް ޔާމީންގެ ސަރުކާރުގައި ހެލްތު މިނިސްޓްރީގެ ޕާމަނަންޓް ސެކްރެޓަރީ ކަން ކުރެއްވި ގީލާ އަލީގެ ނަންފުޅެވެ.

ބެލްޖިއަމަށާއި ޔޫރަޕިއަން ޔޫނިއަންގެ ސަފީރުކަމަށް އައްޔަން ކުރަން ނިންމާފައިވަނީ މަރިޔަމް ޝަބީނާ އަހުމަދެވެ. އޭނާ ރައީސް ސާލިހުގެ ދައުރުގައި ހުންނެވީ ޔުނައިޓެޑް އަރަބި އެމިރޭޓްސްގެ ސަފީރުކަމުގެ މަގާމްގައެވެ.

ސަފީރުން ކަނޑައެޅުމަށްޓަކައި މަޖިލީހަށް ފޮނުވާފައިވާ ބޭފުޅުން:

1. މަސްއޫދު އިމާދު، މ.ތުޅާގިރި – ޑިމޮކްރެޓިކް ސޯޝަލިސްޓް ރިޕަބްލިކް އޮފް ސްރީލަންކާ ދިވެހިރާއްޖެއަށް ކަނޑައަޅުއްވާފައި ހުންނަ ސަފީރު ކަމަށް
2. މަރިޔަމް ޝަބީނާ އަހުމަދު، މ.ރުއްފުށި – މެލޭޝިޔާއަށް ދިވެހިރާއްޖެއިން ކަނޑައަޅުއްވާފައި ހުންނަ ސަފީރު ކަމަށް
3. ޤީލާ އަލީ، މ.ގިލަވިލާ – ކިންގޑަމް އޮފް ބެލްޖިއަމަށާއި ޔޫރަޕިއަން ޔޫނިއަނަށް ދިވެހިރާއްޖެއިން ކަނޑައަޅުއްވާފައި ހުންނަ ސަފީރު ކަމަށް

މި ބޭފުޅުން ނަށް ރުހުން ދޭނީ މަޖިލީހުގެ ތަޅުމުގައި، ވަކިވަކިން ނެގޭ ވޯޓަކުންނެވެ.