ބޮލީވުޑްގެ މަޝްހޫރު އެކްޓަރު ޝާހުރުކް ހާން އާއި އޭނާގެ ދަރިފުޅު ސުހާނާ ހާން އެކުގައި ފެނިގެންދާނެ ކަމަށް އިއުލާން ކުރި "ދަ ކިންގް" މި ވަގުތަށް ނަހަދަން ނިންމާފައިވާ ކަމަށް ރިޕޯޓްތައް ބުނެފި އެވެ.
މީޑިއާތަކުން ބުނީ އަންނަ މަހު ނުވަތަ އެޕްރީލް މަހުގެ ތެރޭގައި ޝޫޓިން ފަށަން ޕްލޭންކޮށްގެން އުޅުނު ފިލްމު ނަހަދައި މަޑުޖައްސައިލަން ނިންމީ ޝާހްރުކާ ގުޅުވައިގެން ދަރިފުޅަށް އަމާޒުވެދާނެ ފާޑުކިޔުންތަކާއި އަޅާކިޔުމުގެ ކަންތައްގަނޑަކާ ވެސް ކުރިމަތިލާން ޖެހިދާނެތީ އެވެ.
މި ފިލްމް ގެ ޝޫޓިންގ އަށް ޝާހު ވަނީ ވަރަށް ބޮޑަށް ތައްޔާރުވެސް ވެފައިއެވެ. މި ފިލްމް އަކީ މި ދެބަފައިން އެކުގައި ކުޅޭ ފުރަތަމަ ފިލްމްއެވެ. ސުނާ ބޮލީވުޑްއަށް ތައާރަފްވީ މިދިއަ އަހަރު ގެ ފިލްމް "ދި އާޗީސް" އިންނެވެ.
އެގޮތުން އެ ފިލްމް އަށް ވަނީ ބޮޑެތި ފާޑު ކިއުން ތަކެއް އަމާޒު ވެފައިއެވެ. އޭނާގެ އެކްޓިން އާއި އަދި ވާހަކަ ދެއްކުމަށް ވެސް ފާޑު ކިއުން ވަނީ އަމާޒު ވެފައިއެެވެ. ބެލެވޭ ގޮތުގައި މި ފިލްމް މަޑު ޖައްސައި ލުމަށްފަހު ޝާހު މަސައްކަތް ކުރާނީ ސުހާނާ ޓްރެއިން ކުރުމަށެވެ.
View this post on Instagram
މީޑިއާތަކުން ބުނެފައިވާ ގޮތުގައި ޝާހްރުކާއި ސުހާނާ އެކީގައި ކުޅެން ޕްލޭންކުރި "ދަ ކިންގް" އަކީ ޝާހްރުކްގެ ފިލްމު ކުންފުނި، ރެޑް ޗިލީސް އެންޓަޓައިންމަންޓާއި އޭނަގެ މިދިޔަ އަހަރުގެ ފިލްމު "ޕަތާން" ގެ ޑައިރެކްޓަރު ސިދާތު އާނަންދު މާފްލިކްސް ގުޅިގެން ހަދަން ނިންމި އެކްޝަން ތުރިލާއެކެވެ.
