ކުރިއަށް އޮތް ރައްޔިތުންގެ މަޖިލިހުގެ އިންތިހާބުގައި ދަ ޑިމޮކްރެޓްސްގެ ފަރާތުން ވާދަކުރާނެ ކެންޑިޑޭޓުން ކަނޑައެޅުމަށް ބޭއްވި ޕްރައިމަރީ، މަޖިލިހުގެ މަޑަވެލި ދާއިރާގެ މެމްބަރު ހުސެއިން ފިރުޝާން އާއި މާލެ ސިޓީ ކައުންސިލްގެ ގަލޮޅު އުތުރު ދާއިރާގެ ކައުންސިލަރު މުހައްމަދު ސައިފް ފާތިހް ކާމިޔާބު ކުރައްވައިފިއެވެ.
ފިރުޝާން ވާދަކުރައްވަނީ ހުޅުމާލެ ދެކުނު ދާއިރާއަށެވެ. އަދި ސައިފް ވާދަކުރެއްވީ ހެންވޭރު ދެކުނު ދާއިރާއަށެވެ.
ހުޅުމާލެ ދެކުނު ދާއިރާގެ ޕްރައިމަރީގެ ނަތީޖާ:
- ހަސަން އަގީލް (ހުޅުމާލެ ހަވަރު ހަސަން): 27
- ހުސައިން ފިރުޝާން: 74
- މުހައްމަދު ފައިސަލް: 26
މިދާއިރާގައި ޖުމްލަ 129 މީހުން ވޯޓު ލާފައިވާއިރު، ބާތިލްވެފައިވަނީ 2 ވޯޓެވެ.
ބާތިލް ދެ ވޯޓުގެ ގޮތުގައި ކަނޑައަޅާފައިވެއެވެ.
ސައިފް ހެންވޭރު ދެކުނު ދާއިރާގެ ޓިކެޓް ކަށަވަރު ކުރެއްވީ އަހުމަދު އަޝްވަން ނުއުމާނު އާ ވާދަކޮށް ތިން ވޯޓު ތަފާތުންނެވެ. އެގޮތުން، އަހުމަދު އަޝްވަން ނުއުމާނު އަށް 12 ވޯޓު ލިބިފައިވާއިރު ސައިފަށް ލިބިވަޑައިގަތީ 15 ވޯޓެވެ.
