އިންޑިއާގެ ބައެއް ފިލްމް ތަކުން ފެނިގެން ގޮސްފައިވާ އެކްޓްރެސް ޕޫނަމް ޕާންޑޭ ރަހިމުގެ ކެންސަރު ބަލީގައި މަރުވެއްޖެ އެވެ.
އެކަން ކަށަވަރު ކޮށްދީފައިވަނީ އޭނާގެ މެނޭޖަރެވެ. މައުލޫމާތު ލިބިފައިވާ ގޮތުގައި އޭނާ މަރުވެފައިވަނީ މިމަހުގެ އެއް ވަނަ ދުވަހުގައިއެވެ. މި ކަމަމާއި ގުޅިގެން ބޮލީވުޑްގެ ގިނަ ބަޔަކު އަންނަނީ އޭނާ އަށް ތައުޒިޔާ ކިޔަމުންނެވެ.
އުމުރުން 32 އަހަރުގެ ބަތަލާ/މޮޑެލްގެ މަރާ ގުޅިގެން އިންޑަސްރީގެ ބައެއް މީހުން ހިތާމަފާޅުކޮށް، ކެންސަރާ މެދު ހޭލުންތެރިވުމުގެ މުހިއްމުކަން ވެސް ފާހަގަކޮށްފައިވެ އެވެ. އޭގެ ތެރޭގައި ބަތަލާ ކަންގަނާ ރަނާވަތު ހިމެނެ އެވެ.
View this post on Instagram
އާންމުންގެ ތެރޭގައި ޕޫނަމް އެންމެ ބޮޑަށް މަޝްހޫރީ ނިވާކަން ކުޑަކޮށް ހެދުން އަޅައި، ހަށިގަނޑުގެ ވަނާތައް ފާޅުކުރަން އާދަވެފައިވާ މީހެއްގެ ގޮތުގަ އެވެ. އަދި ފިލްމް ތަކުގައި ގައިގޯޅި މަންޒަރުތަށް ކުޅޭ ތަރިއެއްގެ ގޮތުގައިއެވެ.
ބޮލީވުޑުން މާ ބޮޑު މަޝްހޫރު ކަމެއް ހޯދިފައި ނުވާ ޕޫނަމް ކުޅުނު ފިލްމުތަކުގެ ތެރޭގައި "ނަޝާ"، "ލަވް އިޒް ޕޮއިޒަން" އަދި "ޖާނީ އޮފް ކަރްމާ" ހިމެނެ އެވެ. ނަމަވެސް މި ފިލްމް ތަކަކީ ކާމިޔާބެއް ހޯދުނު ފިލްމް ތަކެއް ނޫނެވެ. އަނެއް ކޮޅުން އޭނާ ފިލްމް ތަކުން ފެނިގެން ގޮސްފައިވަނީ ސަޕޯޓިން ރޯލުތަކުންނެވެ.
ޕޫނަމް ދެ ރިއަލިޓީ ޝޯއެއްގައި ވެސް ވާދަކޮށްފައިވެ އެވެ. އެއީ ރޯހިތު ޝެޓީ ހޯސްޓްކުރާ "ހަތުރޯން ކޭ ކިލާޅީ" ގެ 4 ވަނަ ސީޒަނާއި 2022 ގައި ކަންގަނާ ހޯސްޓްކުރި "ލޮކަޕް" އެވެ.
