އިންޑިއާގެ އަސްކަރީ މަނަވަރަކުން ދިވެހި އިތުރު މަސް ދޯންޏަކަށް ބިރު ދައްކާފައިވާކަމަށް ބޮޑު ކަންނެލި މަސްވެރިންގެ ޔޫނިއަންއިން ބުނެފިއެވެ.
ބޮޑު ކަންނެލި މަސްވެރިންގެ ޔޫނިއަން ކުރި އެކްސް ޕޯސްޓެއްގައި ވިދާޅުވެފައިވަނީ، 1 ފެބްރުއަރީ 2024 ވަނަ ދުވަހުގެރޭ މާހޯރަ 3 ދަތުރު ކުރަމުން ދަނިކޮށް މޮޅަދޫ ބޮޔާއި 3 މޭލު ހިސާބުން ރޭގަނޑު 12 ޖެހިއިރު އިންޑިޔާގެ މަނަވަރެއް ކައިރިކޮށް ދޯންޏައް އަރާ މަސްވެރިންނަށް ވަނީ ބިރު ދައްކާފައި ކަމުގައެވެ. އަދި މި މައްސަލަ ދޯނީގެ ވެރި ފަރާތުން ރިޕޯޓްކޮށްފައިވާ ކަމަށްވެސް އެ ޔޫނިއަންގެ އެކްސް ޕޯސްޓުގައި ވެއެވެ.
1 ފެބްރުއަރީ 2024 ވަނަ ދުވަހުގެރޭ މާހޯރަ3 ދަތުރު ކުރަމުން ދަނިކޮށް މޮޅަދޫ ބޮޔާއި 3 މޭލު ހިސާބުން ރޭގަނޑު 12 ޖެހިއިރު އިންޑިޔާގެ މަނަވަރެއް ކައިރިކޮށް ދޯންޏައް އަރާ މަސްވެރިންނަށް ވަނީ ބިރު ދައްކާފައި.މި މައްސަލަވަނީ ދޯނީގެ ވެރި ފަރާތުން ރިޕޯޓްކޮށްފައި! @MNDF_Official @MFORmv pic.twitter.com/A5zd0Dglub
— Bodu Kanneli Masveringe union- BKMU (@FishermensUnion) February 3, 2024
މި ހަފްތާގައި އިންޑިއާގެ އަސްކަރީ ސިފައިން ރާއްޖޭގެ އިތުރު 3 މަސް ދޯންޏަކަށް އެރި މައްސަލަ ބޮޑުވެ، ރާއްޖެއާއި އިންޑިއާގެ ގުޅުން ވަނީ އިތުރަށް ގޯސްވެފައެވެ. އަދި ރާއްޖެއިންވަނީ އިންޑިއާ ސިފައިން ރާއްޖޭގެ މަސައްދޯންޏަށް ބައިނަލްއަގުވާމީ ގާނޫނުތަކާ ޚިލާފަށް އެރި ސަބަބު އޮޅުން ފިލުވުމަށް އެގައުމުން އެދިފައެވެ.
