އިންޑިއާ-މޯލްޑިވްސް ހައިލެވެލް ކޯރ ގްރޫޕްގެ ދެވަނަ ބައްދަލުވުން މިއަދު ނިއުދިއްލީގައި ބާއްވައިފިއެވެ.
މިއަދުގެ ބައްދަލުވުމަށްފަހު އިންޑިއާގެ އެކްސްޓާނަލް މިނިސްޓްރީން ނެރުނު ބަޔާނުގައި ވިދާޅުވެފައިވަނީ، މި ބައްދަލުކުރެއްވުމުގައި، ދެޤައުމުގެ ދެމެދުގައި ގުޅުން ބަދަހިކުރުމާ ބެހޭގޮތުން ދެފަރާތުންވެސް މަޝްވަރާކުރި ކަމަށެވެ. އޭގެ އިތުރުން، ދިވެހި ރައްޔިތުންނަށް އިންސާނީ އަދި ސިއްޙީ ޚިދުމަތް ފޯރުކޮށްދޭ އިންޑިޔާގެ ވައިގެ އުޅަނދުތައް ދެމެހެއްޓެނިވި ގޮތެއްގައި ބޭނުންކުރެވޭނެ ގޮތްތަކެއް އެކަށައެޅުމަށް ދެފަރާތުންވެސް އެއްބަސްވެފައިވާކަމަށް ވިދާޅުވެފައި ވެއެވެ
އިންޑިއާގެ އެލްސްޓާނަލް މިނިސްޓްރީގެ ބަޔާނުގައި ވިދާޅުވެފައިވަނީ، ހައިލެވެލް ކޯރ ގްރޫޕްގެ ދެން އޮންނަ ބައްދަލުވުން މާލޭގައި ބޭއްވުމަށް ހަމަޖެހިފައިވަނީ ދެފަރާތަށް އެއްބަސްވެވޭ ތާރީޚެއްގައި މާލޭގައި ކަމުގައެވެ.
