ޕާކިސްތާނުގެ މަޝްހޫރު ލަވަކިއުންތެރިއާ އާތިފް އަސްލަމް ދުވަސްގަނޑަކަށް ފަހު އެނބުރި ބޮލީވުޑްއަށް އަންނަން އުޅޭ ކަމަށް ހަބަރުތައް ބުނެފި އެވެ.
7 އަހަރެއްހައި ދުވަހެއްގެ މެދުކެނޑުމަށް ފަހު އާތިފް އަލުން ބޮލީވުޑްއަށް އަށް އަންނަން އުޅޭ ކަމަށް މީޑިއާއިން ބުނި ނަމަވެސް އަދި މިކަން ކަށަވަރެއް ނުވެއެވެ. އާތިފް ވަނީ ބޮލީވުޑް އަށް ރީތި އަދި ކާމިޔާބު ލަވަތަކެއް ކޮޔައިދީފައިއެވެ.
އިންޑިއާގެ ނޫސްތަކުން ރިޕޯޓްކޮށްފައިވާ ގޮތުގައި އާތިފް ލަވަ ކިޔަނީ އަމިތު ކަސާރިއާ ޑައިރެކްޓުކުރާ ފިލްމެއް ކަމަށްވާ "ލަވް ސްޓޯރީ އޮފް ނައިންޓީސް" އަށެވެ. އެއީ 2022 ވަނަ އަހަރު މިސް ޔުނިވާސް އިންޑިއާގެ ޓައިޓަލް ކާމިޔާބުކުރި މޮޑެލް ދިވިތާ ރާއީ ބޮލީވުޑަށް ތައާރަފުވާ ފިލްމެވެ. އޭނާއާ އެކު ފިލްމުގެ ލީޑުން ފެންނާނީ އަދުޔާޔަން ސުމަން އެވެ.
View this post on Instagram
ހަބަރުތައް ބުނާ ގޮތުގައި އަހަރުތަކަކަށްފަހު އާތިފްގެ އެންމެ ފުރަތަމަ ޕްރޮޖެކްޓަކަށް ވާނީ ސަންގަނީ މޯޝަން ޕިކްޗާސްގެ ދަށުން އުފައްދާ ލޯބީގެ ފިލްމެއްގެ ވަރަށް ވެސް ލޯބީގެ ލަވައަކަށެވެ. އޭނާ މަގުބޫލު ވެގެން ގޮސްފައިވަނީ ވެސް ލޯބީގެ ލަވަތަކަށެވެ.
އެ ފިލްމުގެ ޕްރޮޑިއުސަރާއި ހަވާލާ ދީކަމަށްބުނެ ބައެއް ނޫސްތަކުން ބުނީ ފިލްމަށް ލަވަކިޔައިދޭން އާތިފް އެއްބަސް ކުރުވަން ގިނަ ގޮންޖެހުން ތަކަކާ ކުރިމަތިވި ކަމަށާއި ފިލްމުގެ ވާހަކައަށް ބަދަލުތައް ވެސް ގެންނަން ޖެހުނު ކަމަށެވެ.
މީގެ ގާތްގަނޑަކަށް ހަތް އަހަރު ކުރިން އާތިފް ބޮލީވުޑުން ދުރަށްދިޔައީ އިންޑިއާގެ ޕުލްވަމާއަށް ދިން ހަމަލާތަކުގައި އިންޑިއާގައި މަސައްކަތްކުރާ ޕާކިސްތާނުގެ އާޓިސްޓުންގެ އަތެއް ވާކަމަށް ބުނެ ބޮލީވުޑުން ޕާކިސްތާނުގެ އާޓިސްޓުން ބޮއިކޮޓް ކުރުމުންނެވެ.
