މިދިއަ އަހަރު "ގަދަރް 2″ އިން އެނބުރި ބޮލީވުޑަށް އައި އެކްޓަރު ސަނީ ޑިއޯލް ގެ ފިލްމެއްގައި އަލަށް ކުރީގެ މަޝްހޫރު ބަތަލާ ޝަބާނާ އާޒްމީ މަސައްކަތްކުރާ ގޮތަށް ހަމަޖެހިއްޖެ އެވެ.
ހުނަރުވެރި އެކްޓްރެސް ސަނީ އާއި އެކުގައި މަސައްކަތް ކުރާ އިރުގައި މީގެ ކުރިން ޝަބާނާ ވަނީ ސަނީގެ ބައްޕަ ދަރުމެންދުރާ އާއި އެކުގައި "ރޮކީ އޯރް ރާނީ ކީ ޕްރޭމް ކަހާނީ" ގައި މަސައްކަތް ކޮށްފައިއެވެ. މީގައި އެމީހުން ކުޅެފައިވަނީ ރޮމޭންޓިކް ރޯލެކެވެ.
މީޑިއާތަކުން ބުނީ އެ ފިލްމަކީ އަންނަ މަހުގެ ފުރަތަމަ ހަފުތާގައި ޝޫޓިން ފަށަން ތާވަލުކޮށްފައިވާ ޑައިރެކްޓަރު ރާޖްކުމާރު ސަންތޯޝީގެ "ލާހޯރް، 1947″ ކަމަށެވެ. މިއީ އާމިރު ޚާން ޕްރޮޑިއުސްކުރާ ފިލްމެކެވެ.
ބޮލީވުޑް ހަންގާމާ އިން ބުނީ "ލާހޯރް، 1947″ ގައި ޝަބާނާ، 73، ކުޅޭނީ ލާހޯރްގައި އުޅޭ ހިންދޫންގެ ނުފޫޒު ގަދަ މީހެއްގެ ރޯލު ކަމަށެވެ.
