ފިލްމު "ސްލަމްޑޯގް މިލިއަނާ" އިން މަޝްހޫރުކަން ހޯދި އިންޑިއާ ދަރިކޮޅުގެ އިނގިރޭސި އެކްޓަރު ދޭވް ޕަޓޭލް ލިޔެ، ޕްރޮޑިއުސްކޮށް، ކުޅެ އަދި ޑައިރެކްޓްކުރި ފިލްމު "މަންކީ މޭން" ގެ ޓްރެއިލާ ދައްކައިލައިފިއެވެ.
އިންޑިއާގައި މަންޒަރުތައް ނަގާފައިވާ ފިލްމުގެ ސްކްރީންޕްލޭ ލިޔެފައިވަނީ ދޭވްގެ އިތުރުން ޕޯލް އަންގުނަވެލާ އާއި ޖޯން ކޮލީ އެވެ. "މަންކީ މޭން" އަކީ މިއަހަރު އެޕްރިލް ގައި ބެލުންތެރިންނަށް ގެނެސްދިނުމަށް ތައްޔާރު ވަމުން އަންނަ ފިލްމްއެކެވެ.
މީގައި ކިޔައިދޭނީ ޖަލުން ފިލައިގެން ބަދަލު ހިފުމުގެ މަސައްކަތްތަކެއް ކުރާ ޒުވާނެއްގެ ވާހަކަ އެވެ. "މަންކީ" މޭން" ސިނަޓޯގްރަފީއާ ހަވާލުވެފައި ވަނީ ބިރުވެރި ފިލްމު "އިޓް" ގެ ކެމެރާމަން ޗަންގް-ހޫ ޗުންގް އެވެ. އަދި ފިލްމު އެކްޝަން ޑައިރެޓަރަކީ "އެޓޮމިކް ބްލޮންޑް" އާއި "ޖޯން ވިކް" ފަދަ ފިލްމުކުގެ އެކްޝަންތައް ޑިޒައިން ކުރި 87އިލެވެން އެވެ.
މި ފިލްމުގެ ކާސްޓްގައި އިންޑިއާގެ ނުފޫޒު ވަރުގަދަ ތަރިންތަކެއް ހިމެނެއެވެ. އޭގެ ތެރޭގައި ޝޮބީތާ ދުލިޕާލާ، ސިކަންދަރު ކޭރް، ވިޕިން ޝަރުމާ، އަޝްވިނީ ކަލްސޭކަރް، މަކްރަންދި ދޭޝްޕާންޑޭ އަދި ޕިތޯބަޝް ހިމެނެ އެވެ.
