މިއަދު ކުރިއަށްދިޔަ ވ.ރަކީދޫ ކައުންސިލްގެ މެންބަރު އިންތިޚާބު ކުރުމަށް ބޭއްވި ބައި-އިލެކްޝަން ސަރުކާރު ހިންގާ ޕީއެންސީންވާދަކުރި އަބްދުއްރައްޒާގް އާދަމެ ކާމިޔާބުކޮށްފިއެވެ.
އޭނާއާ ވާދަކޮށްފައިވަނީ އިދިކޮޅު އެމްޑީޕީގެ އާދަމް ސާމީއެވެ.
އިލެކްޝަން ކޮމިޝަންގެ ތަފާސް ހިސާބުތަކުން ދައްކާ ގޮތުގައި މި އިންތިޚާބުއި ވޯޓް ލުމުގެ ޙައްޤު 281 މީހުންނަށް ލިބެއެވެ. އޭގެ ތެރެއިން މިއަދު ވޯޓް ލާފައިވަނީ 184 މީހުންނެވެ.
ވަގުތީ ނަތީޖާއިން ދައްކާ ގޮތުގައި މާލޭގައި ބެހެއްޓުނު ރަކީދޫގެ ފޮށިން އަބްދުއްރައްޒާގް ވަނީ 57 ވޯޓް ހޯއްދަވާފައެވެ. ސާމީއަށް ލިބިވަޑައިގަތީ 36 ވޯޓެވެ. 3 މީހަކު ބާތިލް ވޯޓް ލާފައިވެއެވެ.
ރަކީދޫގައި ބެހެއްޓުނު ފޮށީގެ ވޯޓްގެ ޖުމްލަ އަދަދު އަދި ކަށަވަރުވެފައެއް ނުވެއެވެ.
ޕީއެންސީން މިއަދުގެ އިންތިޚާބު ކާމިޔާބުކޮށްފައިވާއިރު, ސަރުކާރާ އެ ޕާޓީން ހަވާލުވުމަށްފަހު ބޭއްވުނު ގިނަ ބައި-އިލެކްޝަންތައް ކާމިޔާބު ކުރަނީ އެ ޕާޓީންނެވެ.
