ފާއިތުވި ނޮވްމެބަރުމަހު ރާއްޖެއަށް އެންމެ ގިނައިން މުދާ އިމްޕޯޓު ކޮށްފައިވަނީ ޗައިނާއިންކަމަށް ކަސްޓަމްސް ސާވިސްގެ ތަފާސް ހިސާބުތަކުން ދައްކައިފިއެވެ.
ފާއިތުވި މަހު ރާއްޖެއަށް 5.1 ބިލިއަން ރުފިޔާގެ މުދާ އެތެރެއ ކޮށްފައި ވެއެވެ. ކަސްޓަމްސްގެ ތަފާސް ހިސާބުތަކަށް ބަލާއިރު ނޮވެމްބަރުމަހު ރާއްޖެއަށް އެތެރެ ކޮށްފައިވަނީ 4.3 ބިލިއަން ރުފިޔާގެ މުދަލެވެ. މިއީ ފާއިތުވި އަހަރުގެ މިމުއްދަތުގައި އެތެރެކޮށްފައިވާ މިންވަރަށް ވުރެ %9 ދަށް އަދަދެކެވެ.
ފާއިތުވި މަހު ރާއްޖެއަށް އެންމެ ގިނައިން މުދާ އިމްޕޯޓު ކޮށްފައިވާ ގައުމަތައް:
– ޗައިނާ – 782 މިލިއަން ރުފިޔާ
– އޮމާން – 768 މިލިއަން ރުފިޔާ
– ސިންގަޕޯރ – 731 މިލިއަން ރުފިޔާ
– އިންޑިއާ – 683 މިލިއަން ރުފިޔާ
– ޔޫ.އޭ.އީ – 591 މިލިއަން ރުފިޔާ
ފާއިތުވި މަހު ރާއްޖެއިން އެންމެ ގިނަ އަދަދަކަށް މުދާ އެކްސްޕޯޓު ކޮށްފައިވަނީ ތައިލެންޑަށެވެ. އެގައުމަށް އެކްސް ޕޯޓު ކޮށްފައިވަނީ އެ މަހު ރާއްޖެއިން އެކްސްޕޯޓުރި މުދަލުގެ %66 އެވެ.
މިދިޔަމަހު ރާއްޖެއިން އެންމެ ގިނައިން މުދާ އެކްސްޕޯޓު ކުރި ގައުމުތައް:
– ތައިލޭންޑް – %66
– އިނގިރޭސިވިލާތް – %9
– ޖަރުމަންވިލާތް – %7
– ސުވިޒަރލޭންޑް – %3
– ފަރަންސޭސިވިލާތް – %3
ފާއިތުވި ޑިސެމްބަރުންމަހު ރާއްޖެއިން 250 މިލިއަން ރުފިޔާގެ މުދާ އެކްސްޕޯޓު ކޮށްފައިވާއިރު، ނޮވެމްބަރުމަހު 216 މިލިއަން ރުފިޔާގެ މުދާ އެކްސްޕޯޓު ކޮށްފައި ވެއެވެ.
