ބޮލީވުޑްގެ ކާމިޔާބު ޑައިރެކްޓަރު ސަންޖޭ ލީލާ ބަންސާލީ ގެ ކުރިއަށް އޮތް ފިލްމް އިއުލާން ކޮށްފިއެވެ.
އޭނާ ސޯޝަލް މީޑީއާގައި އެކަން ހިއްސާ ކޮށްފައިވާ އިރުގައި މި ފިލްމް ގެ ނަމާއި އެއްވަރަށް ފިލްމްގެ ކާސްޓްވެސް ޝައުގުވެރިއެވެ. އެ ފިލްމުގެ ނަމަކީ "ލަވް އެންޑް ވޯ" އެވެ.
އަދި އެ ފިލްމުގެ ކާސްޓުގައި ހިމެނެނީ ބޮލީވުޑްގައި މިހާރު ތިބި އެންމެ ކުޅަދާނަ އެކްޓަރު ކަމަށްވާ އާލިއާ ބަޓް އާއި ރަންބީރް ކަޕޫރް އަދި ވިކީ ކައުޝަލް އެވެ. މި ތިން ތަރިންނަކީވެސް ކާމިޔާބު ފިލްމް ތަކެއް ކުޅެފައިވާ ތިން ތަރިންނެވެ.
View this post on Instagram
މި ފިލްމު ވާނީ ބަންސާލީއާ އެކީ ވިކީ މަސައްކަތްކުރާ ފުރަތަމަ ފިލްމަށެވެ. އަދި އާލިއާ އާއި ރަންބީރާ އެކީ ކާމިޔާބު ޑައިރެކްޓަރު ހަދާ ދެވަނަ ފިލްމަށެވެ. ބަންސާލީ އަކީ ރަންބީރު ބޮލީވުޑްއަށް ތައާރަފް ވި ފިލްމް 2007 ގެ "ސާވަރިއާ" ގެ ޑައިރެކްޓަރެވެ. އާލިއާ އާއި އެކުގައި ބަންސާލީ ވަނީ 2022 ވަނަ އަހަރުގެ ކާމިޔާބު ފިލްމް "ގަންގޫބައި ކަތިއަވަޅީ" ގައި މަސައްކަތް ކޮށްފައިއެވެ.
"ލަވް އެންޑް ވޯ" ވާނީ ރަންބީރާއި އާލިއާ އެކީގައި ކުޅޭ ދެވަނަ ފިލްމަށެވެ. އެ ދެމަފިރިން އެކީގައި ކުޅުނު ފުރަތަމަ ފިލްމަކީ 2022 ގެ "ބުރައްމަސްތުރާ" އެވެ. އެ ފިލްމް އަކީ ވަރަށް ކާމިޔާބު ފިލްމް އެއްވެސް މެއެވެ.
ބަންސާލީ ފާހަގަ ކުރެވެނީ ކާމިޔާބު ފިލްމް ޑައިރެކްޓަރެއްގެ ގޮތުގައިއެވެ. އެގޮތުން އޭނާ ގެނެސްދީފައިވާ ކާމިޔާބު ފިލްމް ތަކުގެ ތެރޭގައި "ދޭވްދާސް" އާއި "ރާމް ލީލާ" އާއި "ޕަދުމާވަތީ" ފަދަ ފިލްމް ތަށް ފާހަގަ ކޮށްލެވެއެވެ.
