ބޮލީވުޑްގެ ބަތަލާ ޕަރިނީތީ ޗޯޕްތާ ލަވަކިޔުމުގެ ދާއިރާއިން ކުރިއަށް ދިއުމަށް ނިންމައި އެކަން އިއުލާންކޮށްފި އެވެ.
ފިލްމީ ކެރިއަރުގައި މިހާތަނަށް މާބޮޑު ކާމިޔާބެއް ހޯދިފައި ނުވާ ބަތަލާ ކެރިއަރު ފެށީ 2011 ވަނަ އަހަރުގެ ފިލްމް "ލޭޑީ ވާސަސް ރިކީބާލް" އިންނެވެ. އެފިލްމް އަކީވެސް މާބޮޑު ކާމިޔާބެއް ލިބުނު ފިލްމްއެއް ނޫނެވެ.
ޕަރިނީތީ އިންސްޓަގްރާމްގައި ކުރި ޕޯސްޓެއްގައި ބުނީ މިއުޒިކް އަކީ އަބަދުވެސް އޭނާއަށް ވަރަށް ބޮޑު ހިތްހަމަޖެހުމެއް ގެނެސްދޭ ކަމެއް ކަމަށެވެ. މީގެ ކުރިންވެސް އޭނާ ވަނީ ލަވަކިއުމުގެ ހުނަރު ދައްކައިލައިފައިއެވެ.
ލަވަ ކިޔަން ފެށި ނަމަވެސް، އޭނާ ހުރީ އެކްޓުކުރުން ދޫކޮށްލާ ގޮތަކަށް ނޫނެވެ. އަދި އޭނާގެ ފުރަތަމަ ލަވަ ރެކޯޑް ކުރުމަށް ތައްޔާރު ވަމުން އަންނަ ކަމަށްވެސް އޭނާ ވަނީ ބުނެފައިއެވެ.
View this post on Instagram
މިދިއަ އަހަރު ފަހުކޮޅު ރާގަވް ޗައްޑާ އާއި ކައިވެނި ކުރި ބަތަލާ ކައިވެންޏަށް ފަހު އަދި ފިލްމް އަކަށް ސޮއި ކޮށްފައިއެއް ނުވެއެވެ. އެންމެ ފަހުން އޭނާ ފެނިގެން ދިއައި "މިޝަން ރާނީގަންޖު" އިންނެވެ. އެކުރިން އޭނާ ސޮއި ކުރި ފިލްމް "އަމަރް ސިންގް ޗަމްކީލާ" މިހާރު ވަނީ ޝޫޓިންގ އެއްކޮށް ނިންމައިފައިއެވެ. ނަމަވެސް ފިލްމް ރިލީޒް ކުރާނެ ތާރީހެއް އަދި ހާމައެއް ނުކުރެއެވެ.
