ކުރީގެ ރައީސް އިބުރާހިމް މުހައްމަދު ސާލިހު، އިންޑިއާގެ 75 ވަނަ ޖުމްހޫރީ ދުވަހުގެ މުނާސަބަތުގައި، އިންޑިއާގެ ރައީސަށާއި ބޮޑުވަޒީރަށް ތަހުނިޔާއާ ހެޔޮއެދުންތައް ފޮނުއްވައިފިއެވެ.
ރައީސް ސާލިހު ކުރެއްވި އެކްސް ޕޯސްޓުގައި ވިދާޅުވީ އިންޑިއާގެ 75 ވަނަ ޖުމުހޫރީ ދިވަހުގެ މުސާސަބަތުގައި އެގައުމުގެ ރައީސްއާއި އަދި ބޮޑުވަޒީރު މޯޑީއަށާއި އަދި އިންޑިއާގެ ރައްޔިތުންނަށް ތަހުނިޔާ އަރިސްކުރާ ކަމަށާއި، ދެގައުމުގެ ދެމެދުގައި އޮތް ބަދަހި ގުޅުން އިތުރަށް ވަރުގަދަވެގެންދާނެ ކަމަށް އުއްމީދު ކުރައްވާ ކަމުގައެވެ.
On the joyous occasion of India’s 75th Republic Day I extend best wishes to Pres Murmu (@rashtrapatibhvn), PM @narendramodi, the government and people of India. May the unbreakable bonds of friendship that have long existed between Maldives and India go from strength to strength.
— Ibrahim Mohamed Solih (@ibusolih) January 26, 2024
ރައީސް ސާލިހުއަކީ އިންޑިއާއި ވަރަށް ގާތް ގުޅުމެއް ބެހެއްޓެވި ވެރިއެކެވެ. އެމަނިކުފާނުގެ ދައުރުގައި އިންޑިއާއިން ރާއްޖޭގައި ތަރައްގީގެ ބޮޑެތި މަޝްރޫޢުތަކެއް ފަށާފައިވެއެވެ. އަދި މިހާރުވެސް ބިނާ ކުރެވެމުންދާ ވިލިމާލެ ބްރިޖްއަކީ ރައީސް ސާލިހުގެ ދައުރުގައި އިންޑިއާގެ އެހީތެރިކަމާއެކު ފެށި ތަރައްގީގެ ބޮޑު މަޝްރޫއެއްކަން ފާހަގަ ކޮށްލެވެއެވެ.
އިންޑިއާގެ ޖުމުހޫރީ ދުވަހަކީ އިންޑިއާގެ ޒަމާނީ ގާނޫނު އަސާސީއަށް 1950 ވަނަ އަހަރުގެ ޖެނުއަރީމަހުގެ 26 ވަނަ ދުވަހު އަމަލުކުރަން ފެށުން އެގައުމުން ފާހަގަކުރާ މުނާސަބާއެވެ.
ކޮމެންޓު ފޮނުވާ