ފުށިދިއްގަރުގައި ސަރުކާރުން ހިއްކަމުންދާ ބިމުގައި ހަދާ ރަސްމާލެ ސިޓީއާއި މާލޭ ސިޓީ އަންޑަރ ވޯޓާ ޓަނައަކުން ގުޅުވާލަން ނިންމާފައިވާކަން ރައީސް މުއިއްޒު ހާމަ ކުރައްވައިފިއެވެ.
ރައީސް މުއިއްޒު މިކަން ހާމަކުރައްވާފައިވަނީ މާލޭ މޭޔަރު އާއި ސިޓީ ކައުންސިލްގެ މެންބަރުން ހުވާ ކުރުމަށް މިރޭ ބޭއްވި ރަސްމިއްޔާތުގައި ވާހަކަދައްކަވަމުންނެވެ.
މިރޭގެ ރަސްމިއްޔާތުގައި ވާހަކަ ދައްކަވަމުން ރައީސް ވިދާޅުވީ މިކަން ހަގީގަތަކަށް ހެދުމަށްޓަކާ ފަންނީ އިނޮވޭޓިވް މަސައްކަތްތަކެއް މިހާރު ފަށާފައިވާ ކަމަށާއި، އަދި އެކަމުގައި ދުނިޔޭގެ ފަންނީ ވަރަށް ގާބިލް ކުންފުނިތަކާއި މަޝްވަރާ ކުރަމުންދާ ކަމުގައެވެ.
މުޅި ދުނިޔޭގައި ފުރަތަމަ ފަހަރަށް ގާއިމް ކުރެވޭ އަންޑާ ވޯޓާ ޓަނަލް މާލެ އިން ރަސްމާލެއިން ގުޅުވާލުމުގެ މަސައްކަތް، އެ ޓަނަލް ވެގެން ދާނީ، އެ ޓަނަލްގައި ޓްރެއިންގައި ދާއިރުގައި ކަނޑު އަޑީގެ ރީތި މަންޒަރުތައްވެސް ފެންނަ ޓަނަލްއަކަށް.
ރަސްމާލެއާއި މާލެ ގުޅުވާލުމަށް ހަދާ ޓަނެލް ވެގެންދާނީ މުޅި ދުނިޔޭގައިވެސް ފުރަތަމަ ފަހަރަށް ގާއިމްކުރެވޭ އަންޑަރ ވޯޓާރ ޓަނަކަމަށް ވިދާޅުވަމުން ރައީސް ވިދާޅުވިއެވެ.
އެގޮތުން މި މަސައްކަތުގެ ފީސިބިލިޓީގެ މަސައްކަތް މިހާރު ފަށާފައިވާކަން ފާހަގަ ކުރައްވަމުން ރައީސް ވިދާޅުވީ މި ޓަނަލް ވެގެންދާނީ ރާއްޖެއަށް އަންނަ ފަތުރުވެރިންގެ އަދަދުވެސް އިންތިހާއަށް އިތުރުވެގެދާނެ މަސައްކަތެއް ކަމުގައެވެ.
މިއީ ޓޫރިޒަމާއި ބޮޑު މަޝްރޫއެއް، މިއީ ރާއްޖެއަށް ޓުއަރިސްޓުން އެތައް ގުނައަކަށް އިތުރު ވާނެ މަޝްރޫއެއް، އަޅުގަނޑުމެން ކުރާނީ ދެކޮޅު ޖެހޭ މަސައްކަތް.
ރައީސް ވިދާޅުވިއެވެ.
ރައީސް ވިދާޅުވީ މާލޭ ސަރަހައްދުގައި މީހުން ދިރިއުޅެމުންދާނީ އެކި ލިންކުތަކުން ގުޅިފައިވާ އެކި ސަރަހައްދު ތަކުގައި ކަމުގައެވެ.
