ޔުގަންޑާ ގާނޫނުހަދާ މަޖިލީހުގެ ނައިބު ރައީސް، ރިޓަޔާޑް ތޯމަސް ތަޔެބްވާއާއި ރައްޔިތުންގެ މަޖިލީހުގެ ރައީސް މުޙައްމަދު އަސްލަމްބައްދަލުކުރައްވައިފިއެވެ. ޔުގަންޑާގެ މަޖިލީހުގެ ނައިބު ރައިސް ރާއްޖެއަށް ކުރައްވާ ރަސްމީ މި ދަތުރުފުޅަކީ ރައްޔިތުންގެ މަޖިލީހުގެ ރައީސް އޮނަރަބަލް މުޙައްމަދު އަސްލަމްގެ ދަޢުވަތަކަށް ކުރައްވާ ދަތުރުފުޅެކެވެ.
ތޯމަސް ތަޔެބްވާ ރާއްޖެ ވަޑައިގަތީ މިދިޔަ ބުރާސްފަތި ދުވަހުއެވެ. މިއަދު އޭނާ ވަނީ މަޖިލީހުގެ ރައީސް މުޙައްމަދު އަސްލަމްއާ ބައްދަލުކުރައްވާފައެވެ. މި ބައްދަލުކުރެއްވުމުގައި ދެ ބޭފުޅުން ވަނީ ރައްޔިތުންގެ މަޖިލީހާއި ޔުގަންޑާގެ ގާނޫނު ހަދާ މަޖިލީހާ ދެމެދު ގުޅުން ބަދަހި ކުރުމާގުޅޭ ގޮތުން މަޝްވަރާ ކުރައްވާފައެވެ.
ރައްޔިތުންގެ މަޖިލީހުގެ ރައީސް ވަނީ ޔުގަންޑާއަށް މިމަހުގެ 1 ވަނަ ދުވަހު ރަސްމީ ދަތުރުފުޅެއް ކުރައްވާފައެވެ.
ތޯމަސް ތަޔެބްވާ މިއަދު މަޖިލީހުގެ ނައިބު ރައީސް އަހުމަދު ސަލީމްއާވެސް ބައްދަލުކުރެއްވިއެވެ. މަޖިލީހުގެ އިދާރާގެ މަސައްކަތްތަކާ ބޭހޭ ގޮތުން މަޢުލޫމާތު އޮޅުންފިލުއްވާ މަޖިލީސް ކުރާ ގެ ބައްލަވާލެއްވިއެވެ. އަދި މިއަދު ހަވީރު ޚާރިޖީ ވަޒީރު މޫސާ ޒަމީރުގެ އަރިހަށް އިހްތިރާމްގެ ޒިޔާރަތެއްކުރެއްވިއެވެ.
