އިންޑިއާއަކީ އަބަދުވެސް ރާއްޖެއާ ރަހްމަތްތެރި، އަވަށްޓެރި ގައުމެއް ކަމަށާއި އިންޑިއާ އަށް އަބަދުވެސް އިހްތިރާމް ކުރަން ވާނެ ކަމަށް ކުރީގެ ރައީސް އަދި ރައްޔިތުންގެ މަޖިލިހުގެ މައްޗަންގޮޅި މެދު ދާއިރާގެ ދަ ޑިމޮކްރެޓްސް މެމްބަރު މުހައްމަދު ނަޝީދު މިއަދު ވިދާޅުވެއްޖެއެވެ.
އިންޑިއާގެ ބޮޑުވަޒީރު ނަރެންދުރަ މޯދީ ލަކްޝަދީޕަށް ކުރެއްވި ދަތުރުގެ ތެރެއިން އެ ސަރަހައްދުގައި ފަތުރުވެރިކަން ކުރިއެރުވުމާ ގުޅޭ ވީޑިއޯއެއް އާންމު ކުރުމާ ގުޅިގެން އިންޑިއާގެ ސޯޝަލް މީޑިއާގެ އެކްޓިވިސްޓުން ވަނީ ރާއްޖެ ދިއުމުގެ ބަދަލުގައި ޗުއްޓީ ހޭދަކުރުމަށް ލަކްޝަދީޕަށް ދިއުމަށް ގޮވާލައިފައެވެ.
Maldivians have achieved self rule for centuries because we are tactful & strategic. Not because of brute strength. If our leaders lack foresight & go stomping about beating their chest, we will suffer. India is our neighbour & friend. We should afford India respect at all times.
— Mohamed Nasheed (@MohamedNasheed) January 18, 2024
އެއާއެކު، ސަރުކާރުގެ ބައެއް ޑެޕިއުޓީ މިނިސްޓަރުން ވަނީ އިންޑިއާ އާއި މޯދީ އަށް ބަދު ބަސް ވިދާޅުވެ، ފުރާއްސާރަ ކުރައްވައިފައެވެ. އެއާއެކު، އިންޑިއާ އާއި ރާއްޖޭގެ ގުޅުން ވަރަށް ބޮޑަށް ވަނީ ހީނަރުވެފައެވެ.
ނަޝީދު "އެކްސް" ގައި ކުރެއްވި ޕޯސްޓެއްގައި ވިދާޅުވީ ރާއްޖެއަކީ ވިސްނުންތެރިކަމާއި ގެންގުޅޭ ރަނގަޅު ސްޓްރެޓެޖިކްގެ ވެރިބައެއް ކަމަށެވެ. އެއީ އަމިއްލަ އުސޫލުތަކުގައި ހިފެހެއްޓި ބައެއް ކަމަށާއި ރާއްޖޭގެ ރައްޔިތުންނަކީ އެއްވެސް އިރެއްގައި ގަދަ ބާރުން ކަންކަން ކުރަމުން އައި ބައެއް ނޫން ކަމަށް ނަޝީދު ވިދާޅުވިއެވެ.
ނަޝީދު ވިދާޅުވީ ވެރިންގެ ދުރުވިސްނުމެއް ނެތް ނަމަ ރާއްޖެއަށް ގެއްލުންވާނެ ކަމަށެވެ.
"އިންޑިއާއަކީ އަހަރެމެންގެ އަވަށްޓެރިއެއް އަދި ރަހުމަތްތެރިއެއް. އަބަދުވެސް އިންޑިއާއަށް އިހުތިރާމު ކުރަން ވާނެ،" ނަޝީދު ވިދާޅުވިއެވެ.
ކޮމެންޓު ފޮނުވާ