ބޮލީވުޑްގެ ކުރީގެ މަޝްހޫރު ބަތަލާ ރަވީނާ ޓަންޑަން ގެ ދަރިފުޅު ރަޝާ ތަޑާނީ ބޮލީވުޑަށް ނެރޭ ފިލްމުގެ ނަމަކީ "ޝަރާބީ" ކަމަށް ރިޕޯޓްތައް ބުނެފި އެވެ.
މީޑިއާތަކުން ބުނީ މީގެ މަސައްކަތް މިހާރު ކުރިއަށްދާ އިރު، ފިލްމުގެ ބަތަލުގެ ރޯލުން، އަޖޭ ދޭވްގަނަށް ބޮޑުބޭބެ ކިޔާ އަމަން ދޭވްގަން ވެސް ތައާރަފުކުރާނެ ކަމަށެވެ. އަދި މި ފިލްމްގެ މުހިންމު ރޯލަކުން އަޖޭވެސް ފެނިގެންދާނެ ކަމަށް ވެއެވެ.
އެކަމަކު މި ފިލްމު އަދި ރަސްމީކޮށް އިއުލާން ނުކުރާތީ ފިލްމާ ބެހޭ ގޮތުން ދެކެވޭ ވާހަކަތައް އަދު ކަށަވަރެއް ނުވެ އެވެ. ނަމަވެސް މީގެ ދުވަސްކޮޅެއް ކުރިން ރަޝާ އާއި އަމަން އެކުގައި ފިލްމް ސެޓުގައި ނަގައިފައިވާ ވީޑިއޯއެއް ވަނީ ވައިރަލް ވެފައިއެވެ.
View this post on Instagram
ރިޕޯޓްތައް ބުނާ ގޮތުން "ޝަރާބީ" ގެ ހާއްސަ ރޯލުތަކުން އަޖޭ އާއި ޑަޔާނާ ޕެންޓީގެ އިތުރުން ސްޓާ ޕްލަސް އިން މިހާރު ދައްކަމުން އަންނަ ސިލްސިލާ "ބާތޭ…ކުޗް އަންކަހީ ސީ" ގެ ބަތަލު މޯހިތު މަލިކް ވެސް ފެންނާނެ އެވެ.
"ޝަރާބީ" ޑައިރެކްޓަރަކީ "ރޮކް އޮން" އާއި "ކައި ޕޯ ޗޭ" ފަދަ ކާމިޔާބު ފިލްމުތައް ގެނެސްދިން އަބީޝެކް ކަޕޫރެވެ. މިދިއަ އަހަރު ވެސް ވަނީ ބޮލީވުޑްއަށް ސްޓާ ކިޑުންތަކެއް ތައާރަފްވެފައިއެވެ.
View this post on Instagram
ފިލްމީ ހަބަރުތަށް ގެނެސްދޭ ނޫސްތަކުން ރިޕޯޓް ކޮށްފައިވާ ގޮތުގައި މި ފިލްމް ވަރަށް ބޮޑު ބަޖެޓަކުން އަދި އެހާމެ ގްރޭންޑް ކޮށް ހަދަން ނިންމައިފައިވާ ފިލްމްއެކެވެ. މި ފިލްމު ޕްރޮޑިއުސްކުރަނީ އަބީޝެކާއި ރޯނީ ސްކްރޫވާލާ ގުޅިގެންނެވެ.
