އަދިވެސް މަންމަ އަށް އޭނާ އަކީ ފިލްމް ސްޓާރެއްކަން، ނޭނގޭ ކަމަށް އެކްޓަރު ޕަންކަޖް ތްރިޕާޓީ ބުނެފިއެވެ.
ވަރަށް އާދައިގެ ދިރިއުޅުމެއް އުޅެމުން އަންނަ ޕަންކަޖް އަކީ އިންޑިއާގެ ކުޑަ އަވަށަކަށް ނިސްބަތްވާ އެކްޓަރެކެވެ. ހުނަރުވެރި އެކްޓަރަށް ބޮލީވުޑްއިން މިހާ ހިސާބަށް އާދެވުމުގައި ބޮޑެތި ގޮންޖެހުން ތަކަކަކާއި ކުރިމަތިވިއެވެ.
ހިތްދަތި އެތަށް ތަކުރިބާ ތަކެއްވެސް އޭނާ އަށް ވަނީ މިދާއިރާއިން ކުރިމަތިވެފައިއެވެ. ނަމަވެސް އޭނާގެ އެކްޓިންގ ގެ ހުނަރަކީ އެތަށް ބައެއްގެ ތައުރީފް ލިބޭ ހުނަރެކެވެ. އަދި މިހާހިސާބަށް އޭނާ އައުމުގެ އެންމެ ބޮޑު ދައުރެއް އަދާކުރީވެސް އެނާގެ ހުނަރެވެ.
ޕަންކަޖް ގެ މަންމަ އާއި ބައްޕަ އަދިވެސް އުޅެމުން އަންނަނީ އެމީހުންގެ އެކުޑަ އަވަށުގެ އެކުޑަ އާދައިގެ ގޭގައިއެވެ. ދޭތެރެ ދޭތެރެއިން އެމީހުންނަށް އޭނާ ޒިޔާރަތް ކުރެއެވެ. ނަމަވެސް އޭނާ ކުރާ މަސައްކަތާއި ބެހޭގޮތުން އެއްވެސް ވާހަކައެއް އޭނާގެ މަންމަ އާއި ނުދައްކައެވެ.
ނަމަވެސް ބައެއް މީހުން އޭނާ އާއި ބެހޭގޮތުން ސުވާލު ކުރާކަމަށް މަންމަ ބުނާ ކަމަށް ޕަންކަޖް ވަނީ ބުނެފައިއެވެ. އަދި އޭނާގެ މަޝްހޫރު ވާހަކަ ދައްކާ ކަމަށްވެސް ބުނެފައިއެވެ. ނަމަވެސް އޭނާގެ މަންމަ އަކީ ވަރަށް އާދައިގެ ދިރިއުޅުމެއް ބޭނުންވާ މީހެކެވެ. އެހެންވެ އެފަދަ ކަންކަމާއި އެހާބޮޑަށް އަޅައި ނުލާކަމަށް ވެސް ބުނެފައިއެވެ.
View this post on Instagram
2005 ވަނަ އަހަރުގެ "އަޕަހަރަން" ކިޔާ ފިލްމް އަކުން އާންމުގެ މަގުބޫލު ކަން ލިބުނު ޕަންކަޖް އެންމެ ފަހުން ފެނިގެން ދިއަ ފިލްމް އަކީ މިދިއަ އަހަރުގެ "ކަޅަކް ސިންގް" އެވެ.
