އެކްޓަރު ސައިފް އަލީ ހާން އައު ފިލްމް އަކަށް ސޮއި ކޮށްފިއެވެ. އޭނާ ސޮއި ކުރި ފިލްމް އަކީ "ކްލިކް ޝަންކަރް:" ކިޔާ ފިލްމްއެކެވެ.
މި ފިލްމް އަކީ ތަމަޅަ ޑައިރެކްޓަރު ބަލާޖީ މޯހަން ޑައިރެކްޓްކުރަން ހަމަޖެހިފައިވާ ތުރިލާއެއް ކަމަށްވެއެވެ. އޭނަ އަކީ ސައުތުގެ މަޝްހޫރު އެކްޓަރު ދަނޫޝްގެ "މާރީ" ގެ ދެ ފިލްމު ގެނެސްދިން ޑައިރެކްޓަރެވެ.
ތަމަޅަ ފިލްްމް އަކަށް ސޮއި ކުރި އިރުގައި ސައިފް ދެން އެންމެ އަވަހަށް ފެނިގެންދަނީ ޓެލުގޫ ޑައިރެކްޓަރު ކޮރަޓަލާ ސިވާ ގެ ފިލްމް "ދެވާރާ" އިންނެވެ. މި ފިލްމްގެ ލީޑުން ފެނިގެންދާނީ ސައުތުގެ މަޝްހޫރު އެކްޓަރު އެންޓީ އާރް ޖޫނިއާއެވެ. ބަތަލާ އަކީ ޖާންވީ ކަޕޫރެވެ. މިއީ ޖާންވީގެ ޓެލުގޫ ޑެބިއުވެސް މެއެވެ. މި ފިލްމް އެޅުވުމަށް ތާވަލް ކޮށްފައިވަނީ އެޕްރިލް 5 ހަކަށެވެ.
"ކްލިކް ޝަންކަރް:"ގެ ކާސްޓާއި ބެހޭގޮތުން މިހާތަނަށް އަދި އެއްވެސް މައުލޫމާތެއް ހިއްސާ ކޮށްފައިއެއް ނުވެއެވެ. ކާމިޔާބު އެތައް ފިލްމެއް ކުޅެފައިވާ ސައިފް މި ފަހުން ބޮޑަށް ކުޅެމުން އަންނަނީ ސަޕޯޓިން ރޯލުތަކެވެ. މިފަހުން އޭނާ އަންނަނީ ނެގެޓިވް ރޯލުތަށް ކުޅެމުން ކަން ފާހަގަ ކޮށްލެވެއެވެ.
