ސައުތުގެ މަޝްހޫރު އެކްޓަރު ޕްރަބާސް ދެން އެންމެ އަވަހަށް ފެނިގެންދާނެ ފިލްމް "ދަ ރާޖާ ސާބު" ގެ ފަސްޓް ލުކް ޕޯސްޓަރު ދައްކައިލައިފިއެވެ.
އާންމުކޮން ޕްރަބާސް ކުޅޭ ރޯލުތަކާއި ތަފާތު ރޯލަކުން އޭނާ މި ފިލްމް ގައި ފެނިގެންދާއިރުގައި ޕޯސްތަރުންވެސް އެކަން ހާމަވެއެވެ. މި ފިލްމް އަކީ އޭނަ ކޮމިކް ރޯލަކުން ފެންނާނެ ތެލެގޫ ހޮރޯ-ކޮމެޑީއެކެވެ.
View this post on Instagram
މީގެ ޑައިރެކްޓަރަކީ ކާމިޔާބު ފިލްމުތަކެއް ގެނެސްދީފައިވާ މަރޫތީ އެވެ. އެކަމަކު އަދި "ދަ ރާޖާ ސާބު" ބެލުންތެރިންނަށް ދޫކޮށްލާނެ އިރެއް އިއުލާނެއް ނުކުރެ އެވެ. ވަރަށް އަވަހަށް އިއުލާން ކުރާނެ ކަމަށް ބެލެވެއެވެ.
"ބާހްބަލީ" ކުޅެގެން ބޮޑު މަޝްހޫރު ކަމެއް ހޯދި ޕްރަބާސްގެ ކުރިއަށް ވަރުގަދަ ފިލްމްއެއް އެބައޮތެވެ. އެއީ ކުރިއަށް އޮތް މެއި 9 އަށް ތާވަލުކޮށްފައިވާ ބޮޑު ބަޖެޓް، ސައިންސް ފިކްޝަން ފިލްމު "ކަލްކީ: 2898 އޭޑީ" އެވެ. މި ފިލްމް އިން ޕްރަބާސް އާއި އެކުގައި ފެނިގެންދާނީ ބަތަލާ ދީޕިކާ ޕަދުކޯންއެވެ. މިއީ ދެމީހުން އެކުުގައި ކުޅޭ ފުރަތަމަ ފިލްމްއެވެ.
