މީގެ ދެދުވަސް ކުރިން އެކުގައ ފެނުނު ބިދޭސީ މިހާއަކީ އޭނާގެ ލޯބިވެރިޔާ އެއް ނޫން ކަމަށް ބަތަލާ ކަންގަނާ ރަނާވަތު ބުނެފިއެވެ.
ސެލޫންއަކުން ނުކުމެގެން ދަނިކޮށް މީގެ އެއްދުވަސް ކުރިން ފެނުނު ބިދޭސީ މިހާއަކި ކަންގަނާގެ ލޯބިވެރިޔާ ކަމަށް ނޫސްތަކުން ރިޕޯޓް ކުރި ނަމަވެސް އެއީ އޭނާގެ ލޯބިވެރިޔާ ނޫން ކަމަށް ކަންގަނާ ވަނީ ސޯޝަލް މީޑިއާގައި ހިއްސާ ކޮށްފައިއެވެ.
މި ވާހަކަ އިންސްޓަގްރާމް ސްޓޯރީގައި ހިއްސާކޮށް ކަންގަނާ ބުނެފައި ވަނީ އޭނަ ކާކުކަން ނޭނގޭ މީހަކާ އެކީ ފެނިގެން ބޮލީވުޑްގެ ވަރަށް ގިނަ މީހުންނާއި އެ ދާއިރާގެ ޚަބަރުތައް ގެނެސްދޭ މީޑިއާތަކުން ވަރަށް ގިނަ ކޯލްތަކާއި މެސެޖްތައް ލިބެމުން އަންނަ ކަމަށެވެ.
އެހެންވެ އެކަން ސާފުކޮށްދޭން ބޭނުންވާ ކަމަށާއި އޭނައާ އެކީ ފެނުނު މީހާ އަކީ ވަރަށް ގާތް ހެއާސްޓައިލިސްޓެއް ކަމަށް ކަންގަނާ ބުންޏެވެ. އަދި އެކުުގައި ފެންނަ ކޮންމެ ފިރިހެނަކާއި ލޯބީގެ ގޮތުން ގުޅުން އޮންނަން ނުޖެހޭ ކަމަށް ވެސް ބުނެފައި ވެއެވެ.
2006 ވަނަ އަހަރު "ގެންގްސްޓާ" އިން ބޮލީވުޑް އަށް ތައާރަފްވި ބަތަލާ ވަނީ މީގެކުރިން މި ދާއިރާއިން ބައެއް ފަންނާނުންނާއި އެކުގައި ލޯބީގެ ގޮތުން ގުޅުން ބާއްވާފައިއެވެ.
