"އިންޑިއަން ޕޮލިސް ފޯސް" ކުޅުނީ ދޮށީ ދަރިފުޅު ވިއާން ރާޖްކުންދުރާ އަށްޓަކައި ކަމަށް ބަތަލާ ޝިލްޕާ ޝެޓީ ބުނެފި އެވެ.
އޭނާ މިފަދައިން ބުނެފައި މިވަނީ މިފަހުން ނިއުސް 18 އަށް ދިން އިންޓަވިއުއެއްގައި އެވެ. ޝިލްޕާ ބުނީ އޭނާގެ ދަރިފުޅު ވިއާން އަށް ރޯހިތު ވަރަށް ކަމުދާ ކަމަށާއި އެއީ ބޮޑު ފޭނެއް ކަމަށެވެ.
އޭނަ ބުނި ގޮތުގައި "އިންޑިއަން ފޮލިސް ފޯސް" އަށް އެއްބަސްވި އަނެއް ސަބަބަކީ އޭގައި ފުލުހެއްގެ ރޯލު ކުޅެން ލިބުމެވެ. އޭނާ ހުރީ އެފަދަ ރޯލެއް ކުޅެން ބޭނުން ވެފައި ކަމަށާއި އެހެންވެ އެފުރުސަތުގެ ބޭނުން ހިފީ ކަމަށް ވެސް ބުނެފައި ވެއެވެ.
View this post on Instagram
މި މަހު އެމެޒޯމް ޕްރައިމް ވީޑިއޯ އިން ޕްރީމިއާކުރަން ހަމަޖެހިފައިވާ ޑައިރެކްޓަރު ރޯހިތު ޝެޓީގެ ސީރީޒް ގައި މަޝްހޫރު ބަތަލާ ޝިލްޕާ ޝެޓީ އާއި ޒުވާން އެކްޓަރު ސިދާތް މަލޯތްރާ އޯޓީޓީ ޕްލެޓްފޯމް އަށް ތައާރަފްވާ އެއްޗެކެވެ. އަދި އެދެމީހުންގެ ވެސް އަލަތު ވެބް ސީރީޒްއެވެ.
7 އެޕިސޯޑްގެ މި ސީރީޒް އަކީ ރޯހިތު ޝެޓީގެ "ކޮޕް ޔުނިވާސް"ގެ ފުރަތަމަ ވެބް ސީރީޒްއެވެ. މިދިޔަ އަހަރުގެ ތެރޭގައި ޝޫޓިން ފެށި މި ސީރީޒްއަކީ ގިނަ އަދަދެއްގެ ތަރިންނާއި އެކުގައި ރޯހިތު ގެނެސް ދޭ އެއްޗެކެވެ.
