އދ. މާމިގިލީގެ މަގުތައް ޒަމާނީ ފެންވަރަށް ހެދުމަށް ބޭނުންވާ ސާމާނު އެރަށަށް ގެންގޮސްފިއެވެ.
މިމަސައްކަތް ކުރުމަށް ހަވާލުވެފައިވާ ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އިން ހާމަކޮށްފައިވާ ގޮތުގައި މިއަދު ވަނީ މާމިގިލީ މަގުހެދުމަށް ޕްރީކާސްޓް ކުރުމަށް ބޭނުންވާ އެގްރިގޭޓް އަދި ހިލަވެލި އެރަށަށް ގެންގޮސްފައެވެ.
މާމިގިލި މަގު ހެދުމުގެ މަސައްކަތް 400 ދުވަހުގެ ތެރޭގައި ނިންމުމަށް ކަނޑައަޅާފައިވާ އިރު، އެ މަސައްކަތަށް 95 މިލިއަން ރުފިޔާ ހަރަދުވެއެވެ. މާމިގިލީގެ ހަ މަގެއްގައި 4.89 ކިލޯ މީޓަރަށް ތާރު އެޅުމަށް ވަނީ ހަމަޖެހިފައެވެ.
އދ.މާމިގިލި މަގުހެދުމަށް ޕްރީކާސްޓް ކުރުމަށް ބޭނުންވާ އެގްރިގޭޓް އަދި ހިލަވެލި މިއަދު ވަނީ ރަށަށް ގެންގޮސްފައި.#ޓީމްއާރުޑީސީ pic.twitter.com/dkPpBi3p8l
— Road Development Corporation Ltd (@rdc_mv) December 15, 2020
އދ.މާގިއްޔަކީ ސަރުކާރު ކޯލިޝަންގައި ހިމެނޭ ޖުމްހޫރީ ޕާޓީގެ ލީޑަރު ޤާސިމް އިބްރާހިމްގެ ރަށެވެ. އަދި އެމަނިކުފާނު މިހާރު ތަމްސީލް ކުރަމުންދާ ދާއިރާގެ މައިރަށެވެ.
ކޮމެންޓު ފޮނުވާ