މީގެ ކުރިންވެސް ދެފަރެއްގެ މަތިން އަޅުވަށް އިއުލާން ކުރި ޝާހިދު ކަޕޫރު އާއި ކްރިތީ ސެނޮންގެ ފިލްމް "ތެރި ބާތޯންމޭ އެސާ އުލްޖާ ޖިޔާ" ގެ ފުރަތަމަ ލަވަ ބެލުންތެރިންނަށް ދޫކޮށްލައިފިއެވެ.
ނަމެއް ނެތި ފިލްމް އޮންނަތާ މިހާރު އަހަރަކަށް ވުރެ ގިނަދުވަސްތަކެއް ވެފައި އޮތް މި ފިލްމް އަށް ނަމެއް މިފަހުން ލިބުނު އިރުގައި ފިލްމް އެޅުވުމަށް ތާވަލު ކޮށްފައިވަނީ ކުރިއަށް އޮތް މޭ މަހުގެ 9 ވަނަ ދުވަހަށެވެ.
"ލާލް ޕިލީ އަކިޔާ" ކިޔާ މި ލަވަ މިހާރު ވަނީ ބެލުންތެރިނަށް ދޫކޮށްލައިފައިއެވެ. ރޯމީ އަދި ތަނިޝް ބަގްޖީ ކިޔައިފައިވާ މި ވަކަ އަކީ ފަރި ނެށުންތަކެއް ފެނިިގެންދާ ލަވައެކެވެ.
ޕްރޮޑިއުސަރު ދިނޭޝް ވިޖަންގެ މެޑޮކް ފިލްމްސް އިން ހަދާފައިވާ މި ލޯބީގެ ފިލްމަކީ ވަރަށް ތަފާތު ލޯބީގެ ފިލްމްއެއް ކަމަށް އަންނަނީ ބުނަމުނެވެ. މިއާއި އެކުގައި ފިލްމް އަށް ކުރެވޭ އިންތިޒާރު ވަރަށް ބޮޑެވެ.
އަމިތު ޖޯޝީ އާއި އަރާދަނާ ސާހް ޑައިރެކްޓްކޮށްފައިވާ ފިލްމުގެ ކާސްޓްގައި ދަރުމެންދުރާ އާއި އޭނަގެ ދަރިފުޅު ސަނީ ޑިއޯލްއާ ލޯބީގެ ގުޅުމެއް ބޭއްވި ބަތަލާ ޑިމްޕަލް ކަޕާޑިއާ ވެސް ހިމެނެ އެވެ.
